जेसिआई हेटौंडाबाट अनलाईन तालिम सम्पन्न

२० बैशाख, हेटौंडा । जेसिआइ हेटौंडाले अनलाइनको माध्यमबाट प्रभाबकारी भाषणकला तालिमको आयोजना गरेको छ । लकडाउनको समयलाई सदुपयोग गर्दै जेसिआई हेटौंडाले अनलाईन माध्यमबाट तालिमको व्यवस्था गरेको हो । 
तालिममा जेसिआइ हेटौंडा सन् २००३ का अध्यक्ष डा. बासु सुवेदीले प्रशिक्षण दिएका थिए । तालिममा सुवेदीले मञ्चमा कसरी उभिएर प्रस्तुति दिने, प्रस्तुतिकरण शैली, हाउभाउ, विषयबस्तुप्रतिको ज्ञान लगायतका विषयमा प्रशिक्षण दिएका थिए । कार्यक्रममा हेटौंडा लेडि जेसिजकी अध्यक्ष शुशिला पौडेल, पूर्व अध्यक्षहरु रश्मी बस्नेत, गमला राजभण्डारी, निशा रोका, सौराह लेडी जेसिजकी अध्यक्ष, शरदानगर लेडि जेसिजकी अध्यक्ष प्रमिसा काफ्ले लगायतको सहभागिता रहेको थियो । तालिममा लम्जुङ जेसिजका अध्यक्ष अत्तर हुसेन र हेटौंडा लेडि जेसिजकी अध्यक्ष पौडेलले शुभकामना मन्तव्य व्यक्त गरेका थिए ।
६९ जना सहभागिता रहेको तालिममा मा हेटौंडा जेसिजका पूर्व अध्यक्षहरु गणेश कुमार श्रेष्ठ, सिनेटर दिपकराज मिश्र र सिनेटर अरुण कुमार दाहालले सहजिकरण गरेका थिए । जेसिआइ हेटौंडाका अध्यक्ष राजदेब बानियाँको सभाध्यक्षतमा भएको कार्यक्रमको संयोजक श्याम दाहाल र कार्यक्रम संचालन जेसिआइ हेटौंडाका महासचिब विश्व गौतमले गरेका थिए ।