प्रेस युनियन मकवानपुरलाई स्वास्थ्य सामग्री

२५ बैशाख, हेटौंडा । नेपाल प्रेस युनियन मकवानपुरलाई मास्क, सेनिटाइजर, ज्याकेट प्रदान गरिएको छ । युनियनका सल्लाहाकार शिव लम्सालको समन्वय र पत्रकार महासंघका पूर्वकेन्द्रीय अध्यक्ष धर्मेन्द्र झाको अगुवाइमा युनियन मकवानपुरका अध्यक्ष कुमार अधिकारी (पोष्ट राज)लाई उक्त सामग्री प्रदान गरिएको हो । 

सामग्री हस्तान्तरणका बोल्दै महासंघका पूर्वअध्यक्ष झाले कोरोनाको जोखिमपुर्ण परिस्थितिमा जनतालाई सुचना सुसुचित गराउन पत्रकार अघि बढ्नुपर्ने भएकाले यो संक्रमणको अवस्थामा स्वास्थ्य सामग्रीको अभावमा पत्रकारले आफ्नो धर्म निभाउन नसकेको भन्दै स्वास्थ्य सामग्री तथा रिफलेक्टिभ ज्याकेट हस्तान्तरण गरिएको बताए।

स्वास्थ्य सामग्री बुझ्दै युनियन अध्यक्ष अधिकारीले यो स्वास्थ्य सामग्री अहिलेको परिस्थितिमा अत्यावश्यक रहेकाले केन्द्रबाट आएको यो सहयोगप्रति आभार व्यक्त गर्दै समाचार संकलनमा सहजता प्रदान भएको बताए ।हस्तान्तरण कार्यक्रममा प्रेस युनियनका सचिव खिला कार्की, केन्द्रीय सदस्य राममणि दाहाल, पत्रकार महासंघ मकवानपुरका पुर्व अध्यक्ष भानुभक्त आचार्य, प्रेस युनियन मकवानपुरका निवर्तमान अध्यक्ष रुपेश दुलाल, उपाध्यक्ष मणिराज गौतम लगायतको उपस्थिति थियो ।