जिल्ला वन कार्यालयद्वारा औजार वितरण

भीमसेन पौडेल
१४ बैशाख, हेटौडा । जिल्ला वन कार्यालय मकवानपुरले सामुदायिक वन र कबुलियती वन समूहलाई वन व्यवस्थापन औजार वितरण गरेको छ ।

वन व्यवस्थापनलाई बैज्ञानिक ढंगबाट गर्ने उद्वेश्यका साथ औजार वितरण गरिएको सहायक वन अधिकृत उत्तम कटुवालले बताए । जिल्लामा रहेका १२ वटा सामुदायिक वन १० वटा कबुलियती वनलाई वन व्यवस्थापन औजार र ४ वटा सामुदायिक वनलाई डढेलो नियन्त्रण औजार वितरण गरिएको वन कार्यालयले जनाएको छ । 

हेटौडा–६ मा रहेको रानी सामुदायिक वन, चुच्चेखोला सामुदायिक वन, हेटौडा–७ मा रहेको न्यूरेनी चिसापानी सामुदायिक वन, हेटौडा–१५ मा रहेको चुरेकाँड सामुदायिक वन, आमभञ्ज्याङ–३ मा रहेको नमूना सामुदायिक वन, मनहरी–२ मा रहेको पोलाघारी सामुदायिक वन, भैसेमा रहेको कालिकाचण्डीका सामुदायिक वन, हेटौडा–१६ मा रहेको जरुङशक्ती सामुदायिक वनलाई वन व्यवस्थापन औजार उपलव्ध गराएको छ ।

यसैगरी मनहरी–३ मा रहेको मनकामना सामुदायिक वन, हेटौडा–९ मा रहेको बेतखोल्सी सामुदायिक वन, हेटौडा–१ मा रहेको सुन्दर सामुदायिक वन र हेटौडा–८ मा रहेको महिलासिर्जना सामुदायिक वन समूहलाई पनि औजार वितरण गरिएको छ ।

वन कार्यालयले हेटौडा –१८ मा रहेको रामधुनी कबुलियती वन, शिखरपुरमा रहेको च्यानडाँडा कबुलियती वन, चितलाङमा रहेको कुश्लेचौर कबुलियती वन, निवुवाटारमा रहेको चौतारी कबुलियती वन, छतिवनमा रहेको चुनढुंगापाखा कबुलियती वन, हेटौडा–१५ मा रहेको चित्रेपानी कबुलियती वन, सुकौरामा रहेको चिसापानी कबुलियती वन रहेका छन ।

यसैगरी फापरबारीमा रहेको ताप्केडाँडा कबुलियती वन, तिनधर्केडाँडा कबुलियती वन र बाग्मती कबुलियती वन रहेका छन । वन कार्यालयले क्षेतीपूर्ती वृक्षारोपण अन्तरगत वनलाई डढेलोबाट बचाउँन औजार समेत वितरण गरेको छ ।

जस अन्तरगत जोगीताल मनहरी, सिमपानी देवकोट संयुक्त सामुदायिक वन मनहरी र मुलखोला सामुदायिक वन राई गाउँलाई वितरण गरिएको कटुवालले जानकारी दिए ।