नेपालमा स्वस्थ्य हुने संक्रमितको संख्या ३० पुग्यो 

File Photo

२६ बैशाख, हेटौंडा । नेपालमा कोरोना संक्रमित भएकाहरुको उपचारपछि निको भएर घर फर्किनेको संख्या ३० पुगेको छ । 
शुक्रबार कोशी अस्पतालमा उपचार भइरहेका ८ जना संक्रमितको रिपोर्ट नेगेटिभ आएपछि डिस्चार्ज गरिएको छ । यो सँगै नेपालमा उपचारपछि निको हुनेको संख्या ३० पुगेको हो ।
अहिले सम्म नेपालमा संक्रमित हुनेमा ७४ जा पुरुष र २८ जना माहिला रहेका छन् । अहिले रुपन्देहीमा ३ जना, नेपालगंजमा २४ जना, धनगढीमा १ जना, भरतपुरमा १ जना, विरगंजमा २६ जना र विराटनगरमा १७ जना बिरामीहरुको उपचार भइराखेको स्वास्थ्य मन्त्रालयका प्रवक्ता बिकास देवकोटाले जानकारी दिए ।
प्रदेश अनुसार प्रदेश १ मा ३१ जना, प्रदेश २ मा ३० जना, बागमती प्रदेशमा ७ जना, गण्डकी प्रदेशमा २ जना, प्रदेश ५ मा २७ जना, र सूदुरपश्चिम प्रदेशमा ५ जना संक्रमित रहेका छन् । 
यस्तै अहिले सम्म देशभर १५ हजार ६ सय २४ जना क्वारेन्टाइनमा रहेका छन् । यसमध्ये प्रदेश १ मा १ हजार ६ सय ४५ जना, प्रदेश २ मा १ हजार २ सय ९१ जना रहेका छन् ।
यसैगरी बागमती प्रदेशमा २ सय ७२ जना, गण्डकी प्रदेशमा ५ सय ११ जना, प्रदेश ५ मा ५ हजार ८ सय ७ जना, कर्णाली प्रदेशमा २ हजार ७ सय ५ जना र सूदुरपश्चिम प्रदेशमा ३ हजार ३ सय ९३जना क्वारेन्टाइनमा रेका छन् । 
यस्तै आइसोलेसनमा १ सय ३५ जना रहेका छन् । यसमध्ये ३ जना काठमाडौं उपत्यकामा रहेका छन भने उपत्यका बाहिर १ सय ३२ जना रहेको प्रवक्ता डा. देवकोटाले जानकारी दिए ।