चितवनमा हवाईफायर

 २७ बैशाख, भण्डारा । प्रहरीले शुक्रबार राति हवाई फायर गरेको छ । पूर्वी चितवनको राप्ती नगरपालिका–५ चौकीडाँडामा शुक्रबार राति प्रहरीले एक राउण्ड हवाईफायर गरेको हो ।
राप्ती नगरपालिका–१२ मा अबधै रुपमा राखिएको ३४ केजी गाँजा बरामद गरेर आउदै  गरेको प्रहरी टोलिलाई स्थानीयवासीले अवरोध गरेपछि प्रहरीले भिडलाई नियन्त्रण गर्न हवाईफायर गरेको चितवनका प्रहरी प्रवक्ता डिएसपी एकनारायण कोइरालाले बताएका छन ।उक्त गाँजा बरामद गरी ल्याउने क्रममा चौकीडाँडामा जम्मा भएका स्थानीयवासी र प्रहरीबीच झडप भएपछि भिडलाई नियन्त्रणमा लिन हवाईफायर गरेको जनाइएको बछ । भिडलाई नियन्त्रण लिन ईलाका प्रहरी कार्यालय भण्डारबाट प्रहरी निरीक्षकको टोलि पुगेको थियो ।  
झडपका क्रममा प्रहरीले प्रयोग गरेको रत्ननगर नगरपालिकाको बा१२च २७१ र इलाका प्रहरी कार्यालय भण्डाराको बा१झ ७४६५  नम्बर गाडी तोडफोड भएको छ ।झडपमा ३ प्रहरी घाइते भएको र  घाइते हुनेमा प्रहरी जवान अवधेसप्रसाद यादव, लुकेश जर्घा र सुजन बराइली रहेको प्रहरीले जनाएको छ। प्रहरीले घटनामा संलग्न २४ वर्षीय रञ्जित वाइवा, २० वर्षीय सुमन वाइवा, २२ वर्षीय सञ्चरास घलान र ३५ वर्षीय धनबहादुर घलानलाई नियन्त्रणमा लिएको छ ।