काठमाडौंमा समय तालिकामा गाडि संचालन हुने

File Photo

२७ बैशाख, काठमाडौं । काठमाडौं उपत्यकामा आइतबारदेखि समय तालिका अनुसार गाडि संचालनमा आउने भएका छन् । विभिन्न प्रयोजन अनुसार समयको वर्गिकरण गरी गाडि संचालनको व्यवस्था गरिएको हो । 
उपत्यकाका प्रमुख जिल्ला अधिकारी तथा सुरक्षा निकायबीच भएको बैठकले गरेको प्रस्तावलाई गृह मन्त्रालयले स्वीकृति दिएपछि समय तालिकाका आधारमा सवारीसाधन सञ्चालन गर्न लागिएको महानगरीय ट्राफिक महाशाखाका प्रमुख भीमप्रसाद ढकालको भनाई छ । निर्माण सामग्री बोकेका ठूला ट्रकहरु, अस्पताल, वित्तीय संस्था, बैंक, सरकारी कार्यालयमा काम गर्ने कर्मचारीका सवारीलाई मात्रै समय तालिकाअनुसार संचालनमा आउन दिने जनाईएको छ ।
यस्तो छ तालिका
निर्माण सामग्री बोकेका ट्रक/टिपर : बेलुका ६ बजेदेखि बिहान ६ बजेसम्म
निजामती कर्मचारी, बैंक तथा वित्तीय सेवाका कर्मचारी  ः बिहान ९ बजेदेखि साढे ९ बजेभित्र कार्यालय पुग्ने बैंकका कर्मचारीहरु साढे ३ देखि ५ बजेसम्म घर फर्किसक्नुपर्ने, अन्य कर्मचारीको हकमा ५ देखि ६ बजेसम्म फर्किसक्नु पर्ने ।
तरकारी, खाद्य सामग्री, फलफूललगायत बोकेका सवारीसाधन बिहान १० बजेभित्र मात्र सञ्चालन हुने ।
माथि उल्लेखित सवारी साधन सञ्चालनका लागि आफ्नो कार्यालयबाट जारी गरिएको पत्र बोक्नुपर्ने ।
राति चल्ने निर्माण सामग्री बोकेका सवारीसाधनका लागि भने परिचयपत्र र पत्र बोक्न आवश्यक नपर्ने ।
(रातोपाटीको सहयोगमा)