अहिलेसम्म पिसिआर विधिबाट १६ हजार बढी कोरोना परीक्षण 

२८ बैशाख, हेटौंडा । कारोना संक्रमण रोकथाम अभियान अन्तर्गत आइतबारसम्म देशभर पिसिआर विधिबाट १६ हजार ८ सय ९८ जनाको कोरोना परीक्षण भएको जनसंख्या तथा स्वास्थ्य मन्त्रालयले जनाएको छ । 
यसैगरी आरडिटी विधिबाट ५६ हजार ५ सय ५० जनाको परीक्षण भएको मन्त्रालयका प्रवक्ता डा. देवकोटाले जानकारी दिए ।
प्रदेश नम्बर १ मा ७ हजार ५५, प्रदेश नम्बर २ मा ५ हजार ८ सय ९०, बागमती प्रदेशमा ९ हजार १ सय ८१ र गण्डकी प्रदेशमा ६ हजार ३ सय ७७ जनाको आरडिटी परीक्षण भएको छ ।
यस्तै प्रदेश नम्बर ५ मा ६ हजार ७ सय ७४, कर्णाली प्रदेशमा ६ हजार ३ सय ६३ र सुदूरपश्चिम प्रदेशमा १४ हजार ९ सय १० जनाको आरडिटी परीक्षण भएको प्रवक्ता देवकोटाले बताए ।
यसैगरी १३ हजार ६ सय २५ जना क्वारेन्टाइनमा रहेका छन् । प्रदेश नम्बर १ मा १ हजार २ सय ३८, प्रदेश नम्बर २ मा १ हजार ४ सय ४३, बागमती प्रदेशमा १ सय १० र गण्डकी प्रदेशमा २ सय ४२ जना क्वारेन्टाइनमा रहेका छन् । 
यस्तै प्रदेश नम्बर ५ मा ४ हजार ९ सय ४२, कर्णाली प्रदेशमा २ हजार ३ सय २६ र सुदूरपश्चिम प्रदेशमा ३ हजार ३ सय २४ जना क्वारेन्टाइनमा रहेको प्रवक्ता देवकाटाले जानकारी दिए ।
यसैगरी काठमाडौंमा ३ र बाहिर १ सय ६१ गरी १ सय ६४ जना आइसोलेसनमा उपचाररत रहेका छन् ।