हेटौँडामा एक दर्जन मेयर उम्मेदवार, थाहामा प्रमुख दलले दिए उम्मेदवारी (नामसहित)

१९ बैशाख, हेटौँडा । स्थानीय तहको निर्वाचनका लागि मंगलबार हेटौँडा उपमहानगरपालिकामा एक दर्जनले मेयरमा उम्मेदवारी दर्ता गराएका छन् । हेटौँडामा प्रमुख दलका उम्मेदवारसहित स्वतन्त्रतर्फबाट पनि मेयरमा उम्मेदवारी परेको हो । अपरान्हसम्ममा हेटौँडामा प्रमुख दल नेपाली कांग्रेस, नेकपा एमाले, माओवादी केन्द्र, राष्ट्रिय प्रजातन्त्र पार्टी, नयाँ शक्ति, मालेसहितका दलले उम्मेदवारी दर्ता गराएका छन् ।
हेटौँडाका मेयरका उम्मेदवारहरु
नेपाली कांग्रेस– मेयरमा आनन्दराम पराजुली, उपमेयरमा लक्ष्मी श्रेष्ठ
नेकपा एमाले– मेयरमा हरिबहादुर महत, उपमेयरमा मिना लामा
नेकपा माओवादी– मेयरमा कुमारी मोक्तान, उपमेयरमा बलराम बल
राप्रपा – मेयरमा मधु अधिकारी, उपमेयरमा इन्दिरा न्यौपाने
नयाँ शक्ति/संघिय समाजवादी– मेयरमा शुभरत्न गोले, उपमेयरमा पुनम भट्टराई
नेकपा माले– मेयरमा भीमसेन महत, उपमेयरमा रिना थापा
राष्ट्रिय जनमोर्चा– मेयरमा ओविन्द्रबहादुर लुईटेल, उपमेयरमा हिरा तिमल्सिना
मेयरका स्वतन्त्र उम्मेदवारहरु
राकेशकुमार शर्मा, कृष्णदेव भण्डारी, दिपेन्द्र श्रेष्ठ, सतार अन्सारी (सद्धाम हुसैन)
उपमेयरका स्वतन्त्र उम्मेदवारहरु
साधना राना मगर
 

थाहा नगरपालिकाका मेयरका उम्मेदवार
नेपाली कांग्रेस– मेयरमा पवित्रा महत विष्ट, उपमेयरमा खड्ग गोपाली
नेकपा एमाले– मेयरमा विष्णु ढकाल, उपमेयरमा कल्पना बलामी
नेकपा माओवादी– मेयरमा लवशेयर विष्ट, उपमेयरमा शकुन्तला गोपाली
राप्रपा – मेयरमा हरेराम कार्की, उपमेयरमा राममाया लामा
नयाँ शक्ति/संघिय समाजवादी– मेयरमा निरु लामा, उपमेयरमा तारालाल श्रेष्ठ
राष्ट्रिय जनमोर्चा – मेयरमा पुरुषोतम कार्की, उपमेयरमा शोभा गोपाली

साँझ अवेरसम्म पनि हेटौँडा उपमहानगरपालिका, थाहा नगरपालिका र ८ वटा गाउँपालिकामा उम्मेदवारी मनोनयनको काम भईरहेको थियो । एउटै पार्टीको उम्मेदवारी दर्ताको काम सक्न कम्तिमा एक घण्टा लागेका कारण ५ बजे निर्वाचन अधिकृतको कार्यालय पुगेका उम्मेदवारहरु मनोनयन दर्ता गर्दा रात परिसकेको थियो । साँझसम्म उम्मेदवारी मनोयनको प्राविधिक काम भईरहकाले उम्मेदवारहरुको अन्तिम तथ्यांक भने आउन बाँकी रहेको छ ।