कोरोनाबाट मर्नेको संख्या ३ लाख १२ हजार नाघ्यो

४ जेठ, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट मर्नेको संख्या ३ लाख १२ हजार नाघेको छ । 
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमणका कारण मर्नेको संखया ३ लाख १२ हजार ३ सय ८४ पुगेको छ । पछिल्लो २४ घण्टामा संक्रमणबाट ४ हना। २ सय ३० जनाको मृत्यु भएको छ । 
यस्तै अहिलेसम्म कोरोना संक्रमणबाट विश्वभर कुल ४७ लाख १६ हजार ९ सय ८७ जना मानिस संक्रमित भएका छन् । २४ घण्टाको अवधिमा ९५ हजार ५ सय ७८ जना मानिस नयाँ संक्रमितको रुपमा थपिएका छन् ।
पछिल्लो तथ्यांक अनुसार १८ लाख १० हजार ७८ जना संक्रमित उपचारपछि निको भएका छन् । यस्तै भाइरसका संक्रमणका कारण अहिले ४४ हजार ८ सय ३१ जना गम्भीर अवस्थामा उपचार गराइरहेका छन् भने २५ लाख ४९ हजार ६ सय ९४ जनाको अवस्था मध्यम रहेको छ । 
कोरोनाको संक्रमणबाट सबैभन्दा बढी मानिसको मृत्यु अमेरिकामा भएको छ । यहाँ अहिलेसम्म ८९ हजार ५ सय ९५ जनाको मृत्यु भएको छ । पछिल्लो २४ घण्टामा अमेरिकामा १ हजार ८८ जनाको मृत्यु भएको छ । 
अमेरिकापछि संक्रमणबाट मृत्यु हुने देशमा बेलायत दोश्रो स्थानमा छ । यहाँ कोरोना संक्रमणबाट ज्यान गुमाउँनेको संख्या ३४ हजार ४ सय ६६ पुगेको छ । बेलायतमा एकैदिन ४ सय ६८ जनाको मृत्यु भएको छ । 
यसैगरी इटलीमा कोरोना संक्रमणबाट ज्यान गुमाउँनेको संख्या ३१ हजार ७ सय ६३ पुगेको छ । पछिल्लो समय मृत्यु दर कम भइरहेको इटालीमा २४ घण्टामा १ सय ५३ जनाको मृत्यु भएको छ ।
यस्तै कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या २७ हजार ५ सय ६३ पुगेको छ । यहाँ थप १ सय ४ जनाको मृत्यु भएको छ । 
यसैगरी फ्रान्समा संक्रमणबाट मृत्यु हुनेको संख्या २७ हजार ६ सय २५ पुगेको छ । यहाँ पछिल्लो समय ९६ जनाको ज्यान गएको छ ।
पछिल्लो समय दक्षिण अमेरिकि मुलुक ब्राजिलमा कोरोनाको संक्रमण र मृत्यु दर दुबै बढेको छ । यहाँ अहिलेसम्म १५ हजार ६ सय ३३ जनाको मृत्य भएको छ भने संक्रमितको संख्या २ लाख ३३ हजार १ सय ४२ रहेको छ । ब्राजिलमा पछिल्लो २४ घण्टामा १४ हजार ९ सय १९ जना संक्रमित थपिएका छन् भने ८ सय १६ जनाको मृत्यु भएको छ ।
यसैगरी कोरोना भाइरसको संक्रमणबाट अहिलेसम्म रसिया बेल्जियम, जर्मनी, इरान, नेदरल्याण्डस, क्यानडा, टर्की, स्वेडेन, मेक्सिको, स्विटजरल्याण्ड जस्ता देशहरु बढी प्रभावित भएका छन् ।