विश्वभर कारोना संक्रमितको संख्या ४७ लाख नाघ्यो

४ जेठ, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट संक्रमित हुनेको संख्या ४७ लाख नाघेको छ ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमितको संख्या ४७ लाख १६ हजार ९ सय ८७ पुगेको छ ।
पछिल्लो २४ घण्टामा मात्रै संक्रमितको संख्या ९५ हजार ७ सय ७८ जनाले थपिएको छ । संक्रमित मध्ये अहिलेसम्म ३ लाख १२ हजार ३ सय ८४ जनाको मृत्यु भइसकेको छ । 
विश्वमा सबैभन्दा बढी मानिस अमेरिकामा संक्रमित भएका छन् । यहाँ अहिलेसम्म १५ लाख ७ हजार ८ सय ७८ जना मानिस संक्रमित भएका छन । पछिल्लो २४ घण्टामा अमेरिकामा २३ हजार ५ सय ९३ जना नयाँ संक्रमित थपिएका छन् ।
अमेरिकापछि स्पेनमा सबैभन्दा बढी संक्रमित रहेका छन् । यहाँ २ लाख ७६ हजार ५ सय ५ जना संक्रमित रहेका छन् । 
यस्तै रसियामा संक्रमितको संख्या २ लाख ७२ हजार ४३ पुगेको छ भने बेलायतमा संक्रमितको संख्या २ लाख ४० हजार १ सय ६१ पुगेको छ । यस्तै इटलीमा कोरोना संक्रमितको संख्या २ लाख २४ हजार ७ सय ६० पुगेको छ ।
यसैगरी पछिल्लो केहीदिन लगातार संक्रमितको संख्या बढीहरको ब्राजिलमा संक्रमितको संख्या २ लाख ३३ हजार १ सय ४२ पुगेका छन् । यहाँ एकैदिन १४ हजार ९ सय १९ जना नयाँ संक्रमित थपिएका छन् ।
यसैगरी फ्रान्स, जर्मनी, टर्की, इरान, भारत, पेरु लगाएतका मुलुकहरुमा संक्रमितको संख्या दिनानुदिन बढिरहेको छ ।