सिमा रक्षाका लागि सरकार संबेदनसिल छैन: महतो

४ जेठ, हेटौंडा । राष्ट्रिय जनता पार्टीका सांसद राजेन्द्र महतोले नेपाली भूमिमा भारतले बाटो निर्माण गरेको जानकारी भएर पनि सरकारले समयमा नै सिमा रक्षाका लागि उपयुक्त कदम चाल्न नसकेको आरोप लगाएका छन् ।
प्रतिनिधिसभाको आईतबारको बैठकमा आर्थिक बर्ष २०७७/७८ का लागि सरकारको बार्षिक नीति तथा कार्यक्रममाथि धारणा राख्ने क्रममा सांसद महतोले देशको सिमा रक्षा गर्ने काम कस्को हो ? कसले सिमा रक्षा गरिदिने हो ? सरकारले गर्ने हो कि ? अरु कसैले गर्ने हो ? भन्दै प्रश्न गरे ।
उनले जनताको समस्या सम्बोधन गर्न छोडेर कुर्सी जोगाउने तर्फ सरकारको ध्यान केन्द्रीत भएको आरोप पनि लगाए ।
सांसद महतोले राजनीतिक स्थायीत्वको कुरा गर्ने सरकारले अस्थिरता निम्त्याएर कुर्सी जोगाईराख्न रातारात अध्यादेश ल्याएको दाबी गरे ।
उनले सिंगो देश नै महामारीबाट आक्रान्त भएको बेला जनताको जीवनरक्षा र आर्थिक मन्दिबाट अर्थतन्त्र जोगाउने तर्फ केन्द्रीत हुनुपर्नेमा सरकार झिना मसिना कुरामा अल्झिएको टिप्पणी गरे ।
उनलेे सरकारको ध्यान जनताको संकट समाधान गर्न भन्दा कुर्सी जोगाउने तर्फ केन्द्रीत भएको, स्वदेशी बस्तु उपभोग गर्ने भनेपनि उत्पादन वृद्धि तर्फ ठोस कार्यक्रम नआएको आरोप लगाउदै सरकार मुलुकको समस्या सम्बोधन प्रति संवेदनशील नै नभएको दाबी गरे ।