उप्रेतीको पहलमा हेटौंडा-१६ साजबोटेमा राहत वितरण

६ जेठ, हेटौंडा । हेटौंडा उपमहानगरपालिका वडा नम्बर १६ साजबोटेका विपन्न परिवारलाई मंगलबार खाद्यान्न वितरण गरिएको छ । कोरोना भाईरसको संक्रमणपछि सरकारले लागू गरेको लकडाउका कारण खाद्यान्न अभाव भएका साजबोटेका २३ घरधुरीलाई खाद्यान्न वितरण गरिएको हो । 
हेटौंडा कमाने घर भएका सामाजिक अभियन्ता अभिषेक उप्रेतीको समन्वयमा खाद्यान्न सामाग्री हस्तान्तरण गरिएको छ । उप्रेतीले छिमेकी राष्ट्र चीनमा रहेका साथीहरुसंग समन्वय गरि सहयोग रकम उपलव्ध गराएको बताए । चीनमा रहेका साथीहरुले यसै वडाको शक्तिखोलामा गतवर्ष न्यानो कपडा सहयोग गरेको र अहिले पनि यसै वडामा सहयोगको लागि आवश्यक रकम उपलव्ध गराएको उनले बताए । कार्यक्रममा वडा अध्यक्ष रामकृष्ण कोईरालाले भाईरसको संक्रमण दिनानुदिन बढ्दै गईरहेकोले राहत भन्दा पनि काम गर्न पनि स्थानीयलाई सुझाव दिए । 
स्थानीयस्तरमा हुने काम गर्नलाई लकडाउनले कुुनैपनि असर नगरेको बताउँदै उनले सरकारले राहत दिने आशामा नबस्न अनुरोध गरे । कार्यक्रममा नगर कार्यपालिका सदस्य कृष्ण राई, वडा सदस्य धु्रव धिताललगायत स्थानीयको उपस्थिति रहेको थियो । २३ घरधुरीलाई वितरण गरिएको खाद्यान्न सामाग्री ३७ हजार मूल्य बरावरको रहेको थियो ।