हेटौंडामा काँग्रेसको अन्तिम चुनावी सभा

२८ बैशाख, हेटौंडा । नेपाली काँग्रेस मकवानपुरले हेटौंडामा वृहत र्यालीसहित चुनावीसभा सम्पन्न गरेको छ । मौन अवधि शुरू हुन केही समय मात्र बाँकी रहदा आयोजीत  वृहत र्यालीसहितको सभाको आयोजना गरेको हो  ।  

हेटौँडाको हुप्रचौरबाट शुरू भएको र्यालीले पारीजात पथ , स्कूल रोड , संगम चोक ,बुद्घचोक, राप्ती रोड बस पार्क हुदै बुद्घचोकमा आएर सभामा परिणत भएको थियो । सभामा बोल्दै नेपाली कांग्रेसका सभापति एवम सरकारका गृहराज्यमन्त्री इन्द्रबहादुर बानियाँले अब मकवानपुरमा राप्रपा र एमालेको रबैया केही दिनको लागी मात्र हो भन्दै  एमाले र राप्रपाको धमिलो पना अन्त्य हुने बताए  ।

नेपाली काँग्रेसका केन्द्रीय सदस्य महालक्ष्मी डिना उपाध्यायले एमालेले मकवानपरमा झुटको खेती गरिरेकाले अब त्यस्ता झुटका पछी नलाग्ने अनुरोध गर्दै मेयरमा कागे्रसलाई र उप मेयरमा माओवादी केन्द्रलाई मतदान गरी विजयी बनाउन अनुरोध गरिन । 

कांग्रेसका तर्फबाट उपमहानगरपालिकाका मेयरका उम्मेवदार आनन्दराम पराजुलीले  काँग्रेस र माओबादी केन्द्रको   चुनावी गठबन्धन देखेर एमाले राप्रपा डराएर रेडियोबाट भोट मागेको प्रति कटाक्क्ष गर्दै जन्ताले परिर्वतन चाहेकोले काँग्रेस विकासको पर्यावाची भएकाले विकास संम्भव भएको बताए ।  

माओवादी केन्द्रका उपप्रमुखका उम्मेदवार बलराम बलले एमाले र रापैपा लाई झुटको खेती नर्गन अनुरोध गर्दै यदि त्यसो नगरे तरुण दल र वाई सि एल चुप लागेर नबस्ने बताए । नेपाली कांग्रेसका पूर्व जिल्ला सभापति रघुरमण न्यौपाने, काँग्रेस मकवानपुरका सल्लाकार माईकल राम चन्द्र अर्याल र अशोक शाक्य  लगायतले बोलेका थिए ।

र्याली विभिन्न वडाका उम्मेदवार सहित सहभागिता रहेको थियो ।