कोरोनाबाट मर्नेको संख्या ३ लाख ३९ हजार नाघ्यो

१० जेठ, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट मर्नेको संख्या ३ लाख ३९ हजार नाघेको छ । 
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमणका कारण मर्नेको संखया ३ लाख ३९ हजार ९ सय ४ पुगेको छ । पछिल्लो २४ घण्टामा संक्रमणबाट ५ हजार २ सय ५२ जनाको मृत्यु भएको छ । 
यस्तै अहिलेसम्म कोरोना संक्रमणबाट विश्वभर कुल ५२ लाख ९८ हजार २ सय ७ जना मानिस संक्रमित भएका छन् । २४ घण्टाको अवधिमा १ लाख ७ जार ७ सय १६ जना मानिस नयाँ संक्रमितको रुपमा थपिएका छन् ।
पछिल्लो तथ्यांक अनुसार २१ लाख ५६ हजार ३ सय ८२ जना संक्रमित उपचारपछि निको भएका छन् । यस्तै भाइरसको संक्रमणका कारण अहिले ४४ हजार ५ सय ८३ जना गम्भीर अवस्थामा उपचार गराइरहेका छन् भने २७ लाख ५८ हजार २ सय २६ जनाको अवस्था मध्यम रहेको छ । 
कोरोनाको संक्रमणबाट सबैभन्दा बढी मानिसको मृत्यु भएको अमेरिकामा अहिलेसम्म ९७ हजार ६ सय ४७ जनाको मृत्यु भएको छ । पछिल्लो २४ घण्टामा अमेरिकामा १ हजार २ स ९३ जनाको मृत्यु भएको छ । 
अमेरिकापछि संक्रमणबाट मृत्यु हुने देशमा बेलायत दोश्रो स्थानमा छ । यहाँ कोरोना संक्रमणबाट ज्यान गुमाउँनेको संख्या ३६ हजार ३ सय ९३ पुगेको छ । यहाँ २४ घण्टाको अवधिमा ३ सय ५१ जनाको मृत्यु भएको छ । 
यसैगरी इटलीमा कोरोना संक्रमणबाट ज्यान गुमाउँनेको संख्या ३२ हजार ६ सय १६ पुगेको छ । यहाँ  २४ घण्टामा १ सय ३० जनाको मृत्यु भएको छ ।
यस्तै कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या २८ हजार ६ सय २८ पुगेको छ । यहाँ थप ६ सय ८८ जनाको मृत्यु भएको छ । यसैगरी फ्रान्समा संक्रमणबाट मृत्यु हुनेको संख्या २८ हजार २ सय ८९ छ । 
पछिल्लो समय दक्षिण अमेरिकि मुलुक ब्राजिलमा कोरोनाको संक्रमण र मृत्यु दर दुबै बढेको छ । यहाँ अहिलेसम्म २१ हजार ४८ जनाको मृत्य भएको छ भने संक्रमितको संख्या ३ लाख ३० हजार ८ सय ९० पुगेको छ । ब्राजिलमा पछिल्लो २४ घण्टामा १९ हजार ९ सय ६९ जना संक्रमित थपिदा ९ सय ६६ जनाको मृत्यु भएको छ ।
यसैगरी कोरोना भाइरसको संक्रमणबाट अहिलेसम्म रसिया बेल्जियम, जर्मनी, इरान, नेदरल्याण्डस, क्यानडा, टर्की, स्वेडेन, मेक्सिको, स्विटजरल्याण्ड जस्ता देशहरु बढी प्रभावित भएका छन् ।