विश्वभर एकैदिन अहिलेसम्मकै बढी संक्रमित थपिए

१० जेठ, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट बितेको २४ घण्टामा अहिलेसम्मकै सबभन्दा बढी संक्रमित थपिएका छन् ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार पछिल्लो २४ घण्टामा १ लाख ७ हजार ७ सय १६ जना नयाँ संक्रमित थपिएका छन् । यो संगै विश्वभर कुल संक्रमितको संख्या ५२ लाख ९८ हजार २ सय ७ पुगेको छ ।
कुल संक्रमित मध्ये अहिलेसम्म ३ लाख ३९ हजार ४ सय २५ जनाको मृत्यु भइसकेको छ । २१ लाख ५६ हजार ३ सय ८२ जना उपचारपछि निको भएर घर फर्किएका छन् ।
विश्वमा सबैभन्दा बढी मानिस अमेरिकामा संक्रमित भएका छन् । यहाँ अहिलेसम्म १६ लाख ४५ हजार ९४ जना मानिस संक्रमित भएका छन । पछिल्लो २४ घण्टामा अमेरिकामा २४ हजार १ सय ९७ जना नयाँ संक्रमित थपिएका छन् ।
केही समय यता लागातार संक्रमित र मृतकको संख्या बढीरहेको दक्षिण अमेरिकी मुलक ब्राजिलमा कुल संक्रमितको संख्या ३ लाख ३० हजार ८ सय ९० पुगेको छ । यहाँ पछिल्लो २४ घण्टामा १९ हजार ९ सय ६९ जना नयाँ संक्रमित थपिएका छन् ।
यसैगरी रसियामा अहिलेसम्म ३ लाख २६ हजार ४ सय ४८ जना संक्रमित रहेका छन् । यहाँ २४ घण्टामा ८ हजार ८ सय ९४ जना नयाँ संक्रमित थपिएका छन् ।
यस्तै स्पेनमा अहिलेसम्म २ लाख ८१ हजार ९ सय ४ जना संक्रमित पुगेका छन  भने बेलायतमा संक्रमितको संख्या २ लाख ५४ हजार १ सय ९५ पुग्दा इटलीमा कोरोना संक्रमितको संख्या २ लाख २८ हजार ६ सय ५२ पुगेको छ ।
यसैगरी फ्रान्स, जर्मनी, टर्की, इरान, भारत, पेरु लगाएतका मुलुकहरुमा संक्रमितको संख्या दिनानुदिन बढिरहेको छ ।