हेटौँडामा लकडाउन उल्लंघन बढेपछि ट्राफिक जरीवाना

२८ जेठ,हेटौँडा । लकडाउनका समयमा सवारीले लकडाउन उल्लंघन गर्न थालेपछि मकवानपुर प्रहरी र ट्राफिक प्रहरीले ट्राफिक जरीवाना सहितको कारवाही सुरु गरेको छ । 
लकडाउनका समयमा अनावश्यक मोटरसाइकल,स्कुटर,अटोमा घुम्न निस्कनलाई हिजो मंगलबारबाट ट्राफिक जरीवाना सहितको कारवाही सुरु गरेको जिल्ला ट्राफिक प्रहरी कार्यालय मकवानपुरका प्रहरी प्रमुख प्रहरी निरीक्षक हरिविष्णु् ढकालले बताएका छन ।मनिङ्वाक निस्कन,मठ मन्दिर घुम्न जान र विभिन्न वाहना बनाएर चलाइएका मोटरसाइकल,अटो ,स्कुटरलाई ट्राफिक जारीवाना सहितको कारवाही सुरु गरेका हौँ,जसमा हिजो ५२ वटा सवारी र आज बिहान ११ बजेसम्म मोटरसाइकल,अटो,मयुरी,ट्रक, टिपर र ट्याक्टर गरी ३२ सवारीलाई ट्राफिक जरीवाना सहितको कारवाही गरिएका छौँ  –ट्राफिक प्रहरी प्रमुख ढकालले भने । 
प्रहरीले मंगलबार अनावश्यक रुपमा बजारको विभिन्न स्थानमा गुडेका र आज बुधबार हेटौँडा–५ सिचाँई कुनाबाट मनकामना मन्दिर घुम्न निस्किएका १८ वटा मोटरसाइकल स्कुटरलाई ट्राफिक जरीवाना सहितको कारवाही गरिएको वडा प्रहरी कार्यालय हेटौँडाका प्रहरी निरीक्षक ईश्वरी प्रसाद भण्डारीले प्रष्ट खबरलाई बताए । 
उनले यसरी अनावश्यक रुपमा सवारी नचलाउन अनुरोध गर्दै भोलिपनि यसरी अनावश्यक रुपमा सवारी चलाएको पाइए ट्राफिक जरीवाना सहितको कारवाही गरिने बताए । लकडाउन उल्लंघन गरी जथाभावी सवारी चलाएपछि प्रहरीले चेकजाचँलाई कडाइ गरेको छ ।