मकवानपुरमा एमाले बढि स्थानमा विजयी

११ जेठ, हेटौंडा । बैशाख ३१ गते सम्पन्न स्थानीय तहको निर्वाचनमा मकवानपुरमा नेकपा एमालले बढि स्थानमा विजय हासिल गरेको छ । मकवानपुरको १० स्थानीय तहमध्ये सबैभन्दा बढि एमालेले विजय हासिल गरेको हो ।
८ गाउँपालिका, १ उपमहानगरपालिका र १ नगरपालिकामा भएको निर्वाचनमा एमालेले अग्रस्थान हासिल गरेको छ । स्थानीय तहमध्ये एमालेले मकवानपुरगढी, भीमफेदी, ईन्द्रसरोबर, कैलाश र मनहरी गाउँपालिका र हेटौँडा उपमहानगरपालिका गरी ६ तहमा विजय हासिल गरेको छ । नेपाली कांग्रेसले बकैया र राक्सिराङ गाउँपालिकामा गरी २ तहमा विजय हासिल गरेको छ । 
नेकपा माओवादीले बाग्मति गाउँपालिकामा विजय हासिल गरेको छ । थाहा नगरपालिकामा कांग्रेस–माओवादी गठबन्धन अन्तरगत मेयरमा माओवादी र उपमेयरमा कांग्रेसले विजय हासिल गरेको छ । हेटौँडा उपमहानगरपालिकामा १२ वडामा एमाले, ५ वडामा कांग्रेस र २ वडामा माओवादीले विजय हासिल गरेको छ । थाहा नगरपालिकामा एमालेले ७ र माओवादीले ५ वडामा विजय हासिल गरेको छ । 
जिल्लाको १ सय २ वडामध्ये एमालेले ५१, कांग्रेसले ३१, माओवादीले १९ र स्वतन्त्र उम्मेदवारले १ वडामा विजय हासिल गरेका छन् । स्थानीय तह निर्वाचनमा देशकै चौथो पार्टी राप्रपाले मकवानपुरमा १ वडा सदस्यमा चित्त बुझाउनु परेको छ ।