सुरक्षित गर्भपतनको सन्देश फैलाउन संचारमाध्यमको भुमिका महत्वपुर्ण

५ असार,हेटौँडा । सुरक्षित गर्भपतनमा बृद्धि गराउन र त्यस सम्बन्धी सन्देश फैलाउन संचारमाध्यमको भुमिका महत्वपुर्ण भएको जनाइएको छ ।शुक्रबार हेटौँडामा सुरक्षित गर्भपतन सेवा सम्बन्धी पत्रकारहरुसंग अन्तरक्रिया कार्यक्रम बोल्दै ओचेन्ड मकवानपुरकी कार्यक्रम संयोजक सुप्रिमा सापकोटाले यसो बताएकी हुन  । 
आईपास नेपालको आर्थिक सहयोगमा ओचेन्ड मकवानपुरले संचालन गरेको दुईवर्षे परियोजनाका सन्दर्भमा आयोजित पत्रकारहरुसंग अन्तरक्रिया कार्यक्रमा संस्थाले हाल मकवानपुरको ८ वटा स्थानिय तहमा सेवा दिदै आएको बताउदै सुरक्षित गर्भपतन गराउने महिलाहरु खुलेर सूचीकृत स्वास्थ्य संस्थामा आउन नसकेको बताइन। 
उनले कार्यक्रममा बोल्दै नेपालमा हाल दैनिक जसो १ घण्टामा २१ जनाको असुरक्षित गर्भपतन गराउने गरेको र मकवानपुरमा हाल १० वटा सुचिकृत स्वास्थ्य संस्था र तीनवटा निजी किल्निकमा यो सेवा निशुल्क उपलब्ध रहेकोमा आर्थीक बर्ष २०७५।७६ मा ८८९ जनाले सुरक्षित गर्भपतनको सेवा लिएको, २०७५।७६को अन्तिममा त्यो संख्या १०९९ पुगेको र २०७६।२०७७ बैशाख सम्ममा ९७५ जनाले सुरक्षित गर्भपतनको सेवा लिसकेको अन्तरक्रिया कार्यक्रममा जनाइएको छ । संस्थाले करिब दुई बर्षमा ३४ स्कुलमा स्कूल स्वास्थ्य कार्यक्रम, १७ पटक पालिकास्तरीय अन्तरक्रिया कार्यक्रम,सडक नाटक र सुरक्षित गर्भपतन सेवा दिवस र महिला स्वास्थ्य स्वंसेविका दिवसमा याली र अन्तरक्रिया कार्यक्रम गर्दै विभिन्न पालिकामा कोरोना सम्बन्धी जनसचेतना समेत फैलाएको सापकोटाले बताइन । 
असुरक्षित गर्भपतनका कारण अझै पनि करिब ७ प्रतिशत मातृ मृत्युदर रहेको,प्रजनन स्वास्थ्यलाई मौलिक अधिकारमा राखे पनि अझै यस सेवाबाट धेरै महिलाहरु बाहिर रहेका छन तसर्थ मिडियाले सर्वसाधारण र नीति निर्माण बीच पुलको भूमिका निर्वाह गर्न सक्ने भएकाले सुरक्षित गर्भपतनका सम्बन्धमा जनचेतना फैलाउन संचारमाध्यम पहरेदार साबित भएको छ – सापकोटाले भनिन् ।