सुस्मिता हत्याका यस्ता छन् २ कारण : प्रहरी

१५ असार, हेटौंडा । हेटौंडा–४ मा हत्या गरिएकी सुस्मिता थापाको दुई कारणबाट हत्या भएको प्रहरी अनुसन्धानले देखाएको छ । 
जिल्ला प्रहरी कार्यालय मकवानपुरमा सोमबार हत्याका ४ जना अभियुक्त सार्वजनिक गर्दै प्रहरीले २ कारणबाट सुस्मिताको हत्या भएको अनुसन्धानले देखाएको जानकारी दिएको हो । मकवानपुरका प्रहरी उपरीक्षक सुशिलसिंह राठौरका अनुसार हत्यामा आर्थिक र यौन दुव्र्यहारलाई प्रमुख कारण देखिएको छ । राठौरका अनुसार सुस्मितमाथि उनका ससुरा प्रकाश थापाले बाथरुममा जवरजस्ती करणीको प्रयास गरेको र यो बाहिर आउने डरका कारण हत्याको योजना बनाएको बताए । 
त्यस्तै, सुस्मिताका दिवंगत श्रीमान् रुपेन्द्र कार्यरत बहुराष्ट्रिय उद्योग सिएसआई नेपालबाट तलव, इन्स्योरेन्स लगायतको रकम ३८ लाख २८ हजार ४ सय ७२ रुपैंया आफुले पाउनुपर्ने दावि परिवारको रहेको प्रहरीको भनाई छ । रुपेन्द्रको जीवन विमाको रकम दश लाख त्रीसठ्ठी हजार नौ सय चौध रुपैंया समेत बाबु प्रकाशले झिकिसकेको प्रहरीले जनाएको छ । परिवारले आफ्ना छोराको हत्याको दोष समेत सुस्मितालाई दिएर मानसिक यातना दिने गरेको प्रहरीले जानकारी दिएको छ । 
‘आफुले गरेको करणी प्रयास बाहिर आउँदा सामाजिक प्रतिष्ठा जाने र सिएसआईबाट आउने रकमको विषयलाई लिएर मारेको देखिन्छ ।’–राठौरले भने ।

यो पनि पढ्नुस्
यसरी सार्वजनिक गर्यो मकवानपुर प्रहरीले सुस्मिता हत्याका अभियुक्त (तस्बिरहरू)