हेटौँडा–५ को डुवान क्षेत्रमा वडा कार्यालय र प्रहरीको यस्तो छ तयारी

डुबान क्षेत्रको निरीक्षण गर्दै वडाध्यक्ष बानियाँ र प्रहरी निरीक्षक भण्डारी

२६ असार, हेटौँडा । बिहिबार राति र शुक्रबार बिहान देखी परेको अबिरल बर्षाका कारण हेटौँडाका खोल तथा खहरेमा पानीको बहाव बढने क्रममा रहेको छ। कर्रा,राप्ती कुुुुखरेनी खोलामा पानीको बहाव  बढने क्रममा जारी छ ।

बर्षाको समयमा मुख्य गरेर हेटौँडा उपमहानगरपालिका वडा नम्बर –५ को अधिकांश क्षेत्र डुबानमा पर्ने गरेका छन । हरेका बर्ष अविरल बर्षाका कारण हेटौँडा–५ को पिप्ले, क्याम्पाडाँडा, माछाप्लान,अब्बल डाँडा, सानोपोखरा, शान्तिनगर, सिचाईटोल गोर्दोइ लगायतका स्थान डुबानमा पर्ने गर्दछन । हेटौँडा–५ का डुबान क्षेत्रमा वडा कार्यालय र वडा  प्रहरीले जोखिम न्युनिकरणका लागि आवश्यक तयारी गरेका छन ।बर्षाका कारण हुने संभावित जोखिमलाई मध्यनजर गरेर वडा कार्यालयले उद्धारका लागि आवश्यक सबै तयारी गरेको छ । डुवान क्षेत्रमा उद्धारका लागि वडा प्रहरीको सहकार्यमा, स्थानिय टोल विकास संस्था र स्थानिय क्लबको समन्वयमा उद्धारटोली तयारी अवस्थामा राखिएको हेटौँडा वडा नम्बर ५ का वडाध्यक्ष राजेश बानियाँले बताएका छन । उनले डुबान क्षेत्रका बासिन्दालाई उद्धारगरी बाल ज्योती स्कुलमा राख्ने व्यवस्था मिलाइएको  र आवश्यक पर्ने खाद्यान्न भाडाकुडाको व्यवस्थापन गरिएको जानकारी दिएका छन।‘म आफै प्रभावित क्षेत्रमा रहेको छु,प्रहरीलाई तयारी अवस्थामा राख्न अनुरोध गरिसकेका छौँ, पानीपर्ने संभावना रहेकोले डुबान क्षेत्रका स्थानियलाई सुरक्षित रहन माइकिङ गर्ने तयारी भइरहेको छ' – वडाध्यक्ष बानियाँले भने । 

यता प्रहरीलेपनि प्रकोपबाट हुने संभावित घटनालाई मध्यनजर गरेर उद्धार टोली तयारी अवस्थामा राखिएको जनाएको छ । वडा प्रहरी कार्यालय हेटौँडाका प्रहरी निरीक्षक ईश्वरी प्रसाद भण्डारीले लाइफ ज्याकेट सहित रेसक्यु टोली तयारी अवस्थामा राखिएको बताएका छन ।‘बाढीका कारण पिप्ले, क्याम्पाडाँडा, माछाप्लान,अब्बल डाँडा, सानोपोखरा, शान्तिनगर, गोर्दोइ लगायतका स्थानमा हुने डुवानलाई मध्यनजर गर्दै वडा कार्यालयको सहकार्यमा सावेल, डोरी, ट्युब सहित उद्धारटोली तयारी अवस्थामा राख्नुका साथै प्रभावित क्षेत्रका बासिन्दालाई सुरक्षित रहन जानकारी गराएका छौँ’– प्रहरी निरीक्षक भण्डारीले भने । 

हरेका बर्ष भारी बर्षाका कारण हेटौँडाको अधिकांश स्थान डुबानमा पर्ने गर्दछ ,आज बिहान मात्र अबिरल बर्षाका कारण  हेटौँडा–५ अब्बल डाँडामा रहेको एकघर डुबानमा परेको छ ।