युनियन मकवानपुर अध्यक्ष अधिकारी तथा केन्द्रीय पार्षद कार्कीको बुवाको निधनमा शोक वक्तव्य

३१ असार,हेटौँडा । नेपाल प्रेस युनियन मकवानपुर अध्यक्ष कुमार अधिकारी (पोष्टराज) र युनियन केन्द्रिय पार्षद नानीमाया (सम्झना) कार्कीलाई पितृशोक परेको भन्दै नेपाल प्रेस युनियन केन्द्रीय समिति र मकवानपुर समितिले बुधबार शोक वक्तव्य जारी गरेका छन ।युनियन केन्द्रीय महासचिव अजय बाबु शिवाकोटी र मकवानपुर सचिव केशव समर्पणले बुधबार शोक वक्तव्य जारी गर्दै शोकको यो घडिमा दिवंगत आत्माको चिरशान्तिको कामना गर्दै परिवारप्रति हार्दीक समवेदना प्रकट गर्दै अधिकारी र कार्कीको  निधनप्रति  युनियन युनियन केन्द्रीय समिति र मकवानपुर समितिले गहिरो समवेदन व्यक्त गरेको जनाइएको छ । 
नेपाल प्रेस युनियनको महाधिवेशन प्रतिनिधि (केन्द्रीय पार्षद्) कार्कीका ६६ बर्षीय बुबा दीपबहादुर कार्कीको सोमबार साँझ निधन भएको हो। घाँटीको क्यान्सरबाट पीडित रहेका उनको सोमबार घरमै निधन भएको थियो । त्यसैगरी प्रेस युनियन मकवानपुर अध्यक्ष ,नेपाल पत्रकार महासंघ मकवानपुर उपाध्यक्ष तथा प्रष्ट खबर डटकमका सम्पादक रहेका अधिकारीका ७२ बर्षीय बुबा गोपाल प्रसाद अधिकारीको  मंगलबार साँझ निधन भएको हो । टाउको सम्बन्धी रोगबाट पीडित रहेका उनको मंगलबार काठमाडौँ महाराजगन्जमा रहेको त्रिवी शिक्षण अस्पतालमा उपचारको क्रममा निधन भएको थियो ।