हेटौंडा खानेपानीले दियो १३ हजार उपभोक्तालाई चैत महिनामा २५ प्रतिशत छुट

सुनिल शिवाकोटी 

४ साउन,हेटौँडा । हेटौंडा खानेपानी व्यवस्थापन बोर्डले कोरोनाको कारण सरकारले गरेको लकडाउनका समयमा आफ्ना १३ हजार उपभोक्तालाई चैत महिनाको खानेपानी महशुलको जरिवाना बापतको रकममा ४ लाख छुट दिएको छ ।  

२०७६ चैतमा बसेको बोर्ड १२२ औँ बैठकको २०७६ फागुन देखी २०७७ बैशाख महिनाको पानी महशुल २०७७ जेष्ठ मसान्त भित्र भुक्तानी गरेमा महशुलमा लाग्ने (विलम्ब शुल्क) जरिवाना छुट र २०७६ चैत महिनाको न्युन्तम पानी महशुलमा २५% छुट दिने निर्णय अनुसार नै २०७७ जेठ मसान्त सम्म करिब १३ हजार उपभोक्तालाई छुट दिइएको हेटौंडा खानेपानी व्यवस्थापन बोर्डका कार्यकारी निर्देशक सुर्दशन ढकालले प्रष्ट खबरलाई बताए । 

२०७६ चैत ११ गते देखि २०७७ जेठ मसान्त सम्म १३ हजार ५सय ५५ जना खानेपानी उपभोक्तहरुले पानीको महशुल बापत १ करोड ६६ लाख ९२ हजार ६५५ रुपैया पानी महशुल बुझाएको र चैत महिनामा दिइएको २५ प्रतिशत छुट बापतको रु ४ लाख २८ हजार रुपैया छुट दिइएको – कार्यकारी निर्देशक ढकालले भने ।

उनले लकडाउनका अवधिमा तिर्न बाँकी रहेको महशुलको जरिवानमा दिएको छुटको व्यपस्था नयाँ आर्थीक बर्ष सुरु भइसकेकोले सकिएको तर चैत महिनामा दिइएको र चैत महिनाको महशुल भुत्तान गर्न बाँकी उपभोक्ताले पाउने २५ प्रतिशत छुट यथावत रहेको बताए ।