घुस लिने ४ प्रहरी बागमती प्रदेश प्रहरी कार्यालयको नियन्त्रणमा    

१३ साउन,हेटौँडा । पछिल्लो दिन प्रहरीलाई घुस दिने व्यक्ति पक्राउ पर्न थालेपछि प्रहरीले पनि प्रलोभनमा परेर घुस लिने प्रहरीलाई शुद्धिकारण गर्ने अभियान चलाएको छ ।यो अभियान बागमती प्रदेश प्रहरी कार्यालय र जिल्ला प्रहरी कार्यालय मकवानपुरले सुरु गरेका छन । 
यसै क्रममा घुस लिदै गरेको अवस्थामा मंगलबार एक जना प्रहरी हवल्दार सहित ४ जना प्रहरीलाई प्रहरीले नै पक्राउ गरेको छ ।वागमती प्रदेश प्रहरी प्रमुख महानिरीक्षक बसन्त कुमार लामाको निर्देशनमा खटिएको अनुगमन टोलीले सडकमा चेकजाँचका क्रममा प्रलोभनमा परेर रकम माग्ने ४ जना प्रहरीलाई पक्राउ गरेको छ । 
घुस लिदै गर्दा पक्राउ पर्नेमा प्रदेश ट्राफिक प्रहरी कार्यालय रामनगर,जिल्ला ट्राफिक प्रहरी कार्यालय मकवानपुर ईलाका प्रहरी कार्यालय मनहरी र ईलाका प्रहरी कार्यालय रामनगर चितवनमा कार्यरत ४ जना प्रहरीलाई सवारी चालकसंग विभिन्न वहानामा रकम लिएको भेटिएपछि नियन्त्रणमा लिएको हो।पक्राउ पर्नेहरुमा हेटौँडा–१५ रातोमाटे पोष्टमा कार्यरत   र ट्राफिक प्रहरी कार्यालय रामनगर चितवनमा कार्यरत  २ जना ट्राफिक प्रहरी रहेका छन त्यसैगरी ईलाका प्रहरी कार्यालय रामनगर चितवन र इलाका प्रहरी कार्यालय मनहरी मकवानपुरमा कार्यरत २ जना प्रहरी रहेका छन् । पक्राउ परेका माथि आवश्यक अनुसन्धान र कारवाहि प्रक्रिया अगाडि बढाइएको बागमती प्रदेश प्रहरी कार्यालयका प्रहरी प्रवक्ता प्रहरी वरिष्ट उपरीक्षक सुदिप गिरीले बताएका छन ।