रानी सामुदायिक वनको कारोवार २४ लाख

१९ साउन, हेटौडा । हेटौडा–६, चौघडामा रहेको रानी सामुदायिक वन उपभोक्ता समूहले आर्थिक वर्ष ०७६/०७७ मा २४ लाख २४ हजारको कारोवार गरेको छ । 
समूहले काठ विक्रीबाट १५ लाख ५७ हजार बाकल विक्रीबाट १ लाख २ हजार, दाउरा विक्रीबाट २० हजार, नवीकरण शुल्कबाट ३८ हजार, निवदेन शुल्क बाट ३ हजार, बला विक्रीबाट ८ हजार आम्दानी गरेको छ । यसैगरी विभिन्न निकायबाट ४ लाख ७० हजार, नयाँ सदस्यता शुल्कबाट ४५ हजार, हलभाडाबाट ८ हजार, पुरस्कारबाट ७ हजार आम्दानी गरको समूहका कोषाध्यक्ष बसन्त अधिकारीले बताए । 
यसैगरी समूहले कर्मचारी तलवमा ४ लाख ५१ हजार, काठ चिरानी ज्यालमा ७ लाख ७० हजार, बाकल ढुवानीमा ५३ हजार, वन व्यवस्थापनमा १ लाख ३७ हजार, आर्थिक सहयोगमा ५७ हजार खर्च गरेको छ । यसैगरी छात्रवृति वितरणमा २० हजार, वृक्षारोपणमा ३ लाख १५ हजार, विज्ञापनमा १२ हजार, कार्ययोजना निर्माणमा २० हजार, साधारणसभामा १ लाख १२ हजार, लेखापरीक्षणमा १५ हजार, कर्मचारी पोशाकमा १० हजार, वार्षिक उत्सवमा ३५ हजार, ब्रोसियर छपाईमा १५ हजार खर्च गरेको छ । 
बन्दाबन्दीका कारण समूहको धेरै कार्यक्रम प्रभावित भएको र उक्त कार्यक्रम चालु आवमा संचालन गरिने समूहका अध्यक्ष कृष्ण विडारीले बताए । समूहले गत आवमा २९ लाखको कारोवार गर्न सफल भएको समूहका कार्यालय सचिव भीमसेन पौडेलले बताए ।