बीरगञ्जमा भएको परीक्षणमा मयेरसहित ५५ मा कोरोना

२४ साउन, बीरगञ्ज । बीरगञ्जको नारायणी अस्पतालको रहेको प्रयोगशालमा गरिएको कोरोना परीक्षणमा मेयर सहित ५५ जनामा कोरोना संक्रमण पुष्टि भएको छ ।

नारायणी अस्पतालका मेडिकल सुपरिडेन्टेन्ट मदन उपाध्यायले दिएको जानकारी अनुसार संक्रमित हुनेहरुमा ४७ जना पुरूष र ८ जना महिला रहेका छन् । संक्रमित हुनेमा २२ वर्षका देखि ७४ वर्ष सम्म रहेका छन् । 

नारायणी अस्पतालका मेडिकल सुपरिडेन्टेन्ट उपाध्यायका अनुसार पर्साको बहुदरमाइ नगरपालिकाका ४० बर्षिय मेयरलाई कोरोना पुष्टी भएको छ । त्यस्तै, बाराको कलैया वडा नम्बर १० घर भइ ३१ बर्षका १ जना नारायणी अस्पतालका प्रयोगशाला प्राविधिक, वीरगन्जस्थित चण्डी प्रसाद गणमा कार्यरत ३२ बर्षका एक नेपाली सेना रहेका छन् ।

बीरगन्ज महानगरपालिकाका विभिन्न वडाका २२ बर्ष देखि ७४ बर्षका सम्मका २१ जना, पर्सा जिल्ला बहुदरमाइ नगरपालिकाका २२ बर्ष देखि ४० बर्षका सम्मका २५ जना, छिपहरमाइ गाँउपालिका वडा नम्बर ५ भिस्वाका ३५ बर्षिय १ जना पुरुष र ५५ बर्षिय १ जना महिला रहेकी छिन् भने बिन्दवासिनी गाँउपालिका नगरदाहा वडा नम्बर ३ का ३१ बर्षिय १ जना पुरुष रहेको नारायणी अस्पतालका मेसु उपाध्यायले बताए ।

त्यसैगरी बाराको भलुही भरवलियाका ३० बर्षका १ जना पुरुष , बारा जिल्ला मनहर्वाका ४३ बर्षिय १ जना पुरुष, सर्लाही जिल्लाका २६ बर्षका १ जना पुरुष रहको नारायणी अस्पतालका मेसु उपाध्यायले जानकारी दिए ।