हेटौंडा खानेपानी व्यवस्थापन बोर्डद्वारा दैनिक १ करोड लिटर खानेपानी वितरण

२४ साउन,हेटौँडा । हेटौंडा खानेपानी व्यवस्थापन बोडले हेटौँडा नगरभित्रका वडा नम्बर २,४,५,६,७,८,९,१० को सम्पुर्ण भुभाग र वडा नम्बर १,१४,१५,१६ र १७ का केही भु–भागमा बसोबास गर्ने करिब १ लाख २५ हजार नगरबासिलाई विभिन्न श्रोतबाट दैनिक सरदर १ करोड २४ लाख लिटर खानेपानी वितरण गर्दै आएको छ । 
    
बार्डले शनिबार पत्रकार सम्मेलनको आयोजना गर्दै आर्थिक वर्ष २०७६।७७ को प्रगती विवरण तथा आर्थिक वर्ष ७७।७८ को नीति, कार्यक्रम तथा बजेट प्रस्तुत कार्यक्रम मार्फत नगरबासीलाई एउटा सतहगत २५ ओटा भुमिगत श्रोतबाट नियमित दैनिक ६ देखी ७ घण्टा करिब १८ हजार ५५ धाराहरुमा दैनिक सरदर १ करोड २४ लाख लिटर खानेपानी वितरण गर्दै आएको हेटौंडा खानेपानी व्यवस्थापन बोर्डका निमित्त कार्यकारी निर्देशक सुदर्शन ढकालले बताएका छन । 
बोर्डले गत आर्थिक वर्ष २०७६।०७७ मा ८ करोड २६ लाख ६० हजार रुपैयाँको बिलिङ गरेकोमा ८ करोड ४ लाख ४२ हजार अर्थात ९७.९१ प्रतिशत रकम संकलन गर्न सफल भएको र ४० लाख ५६ हजार पानी महशुल बक्यौता रहेकोमा ग्राहकाबाट ६२ लाख ५० हजार अग्रिम महशुल भुक्तानी भएको छ – बोर्डका निमित्त कार्यकारी निर्देशक ढकालले भने ।
पत्रकार सम्मेलनमा बोल्दै हेटौंडा खानेपानी व्यवस्थापन बोर्डका अध्यक्ष प्रताप विष्टले तिनै तहको सरकारको सहकार्यमा बार्डले सहज रुपमा जनतामाझ खानेपानी पुयाउन सफल भएको बताएका छन। कार्यक्रममा बोर्डका सदस्य इन्द्र नेपाल, नेपाल पत्रकार महासंघ मकवानपुरका अध्यक्ष हरि हुमागाईले खानेपानी व्यवस्थापन बोर्डको कार्यक्रम तथा बजेटको बिषयमा मन्तव्य व्यक्त गरेका थिए ।