मकवानपुरमा थपिए २३ संक्रमित (ठेगानासहित)

२५ साउन, हेटौंडा । मकवानपुरमा आइतबार २३ जनामा कोरोना संक्रमण पुष्टि भएक‍ो छ । संक्रमित मध्ये ५ जना प्रहरी रहेका छन् । 
हेटौंडा नगरपालिकाका जनस्वास्थ्य अधिकृत भोलाप्रसाद  चौलागाईंका अनुसार साउन २३ गते ८७ जना र २४ गतेको ४२ जना गरी १२९ जनाको नाक तथा घाँटीको स्वाब संकलन गरिएको थियो । हेटौडाको किटजन्य रोग तथा अनुसन्धान तालिम केन्द्रमा रहेको अस्थायी प्रादेशिक जनस्वास्थ्य प्रयोगशालामा पठाएकोमा २३ जनामा कोरोना पुष्टि भएको छ । संक्रमित मध्ये महिला ६ जना तथा  १७ जना पुरुषमा संक्रमण रहेको  देखिएको चौलागाईंले बताए ।

आइतबार संक्रमण पुष्टी हुनेमा हेटौडा उपमहानगरपालिका वार्ड नं.२ को १ जना महिला, वार्ड नं.४ को ४ जना, वार्ड नं.०५ को ४ जना ,वार्ड नं.०६ को १ जना पुरुष ,वार्ड नं.०९ को १ महिला सहित ३ जना ,वार्ड नं.११ र १३ का एक जना पुरुष तथा मकवानपुरगढी गाउँपालिका ३ का १ जना  पुरुष, ५ जना नेपाल प्रहरी, १ जना बकैया गाउँपालिकाको महिला, १ जना भीमफेदी गाउँपालिकाको पुरुष तथा बिराटनगर ठेगाना भएका १ जना पुरुष रहेका छन् । 

संक्रमण पुष्टी भएका प्रायको स्वास्थ्य अवस्थामा सामान्य समस्या रहेको वार्डले जनाएको छ । संक्रमण पुस्टि भएसंगै सबै संक्रमितलाई अहिले नै कर्रा स्थित आईसोलेसन वार्डमा ल्याउने तयारी रहेको छ । 

हालसम्म आईसोलेसन वार्डमा संक्रमितको संख्या ४५ जना पुगेको र आज पुष्टी भएका सेवाग्राहीलाई समेत सेवा दिदा संक्रमितको संख्या ६८ जना पुग्नेछ ।