बागमती प्रदेश प्रहरी कार्यालयद्वारा २ हवल्दारलाई सम्मान

२६ ‌साउन, हेटौँडा।  प्रहरी कर्मचारी घुस लिन्छन भन्ने आरोप लागिरहेका बेला घुस माग्ने र खाने  प्रहरीलाई शुद्धिकरण गर्ने अभियान चलाएको बागमती प्रदेश प्रहरी कार्यालय हेटौँडाले घुस नखाने दुई प्रहरी हवल्दारलाई सम्मान गरेको छ। बागमती प्रदेश प्रहरी कार्यालय, हेटौंडाले घुस नखाने जिप्रका सिन्धुली र चितवनमा कार्यरत प्रहरी हवल्दारलाई पुरस्कारसहित सम्मान गरेको हो ।

बागमती प्रदेश प्रहरी कार्यालय,हेटौंडाका प्रमुख प्रहरी नायब महानिरीक्षक (डीआईजी) वसन्त लामाले प्रहरी सबै घुसिया हुँदैन भन्ने कुरा सावित गर्न र घुस लिनेलाई शुद्धिकरण गर्ने र घुस नलिएकालाइ पुरस्कृत र सम्मानित गर्ने अभियान अन्तर्गत घुस रकम नलिएका २ प्रहरी हवल्दारलाई पुरस्कार सहित सम्मान गरेको बताएका छन्। उनले अहिले सम्म प्रदेश प्रहरी कार्यालय र मातहतका कार्यालय समेतले हालसम्म २३ जना प्रहरी कर्मचारीहरुलाई पुरस्कृत गरिसकेको बताए ।अहिले बागमती प्रदेश प्रहरी कार्यालय र जिल्ला प्रहरी कार्यालय मकवानपुरले ड्युटीमा बसेका प्रहरी कर्मचारीलाई विभिन्न प्रलोभन देखाई घुस रकम दिन खोज्ने व्यक्तिहरुलाई पक्राउ गरी कानुन बमोजिम कारवाही गर्दै आएको छ। मकवानपुर प्रहरीले प्रहरीलाई घुस दिन खोज्ने करिब १ दर्जन भन्दा बढीलाई नियन्त्रणमा लिएर कारवाही गरेको छ।