विश्वभर कोरोना संक्रमितको संख्या २ करोड नाघ्यो

२७ साउन, हेटौंडा । विश्वभर कोरोना भाइरस संक्रमितको संख्या दुई करोड दुई लाख नाघेको छ । 
यो समाचार तयार पार्दसम्म विश्वका दुई करोड दुई लाख ३८ हजार ९सयभन्दा धेरै मानिसमा कोरोनाको सङ्क्रमण पुष्टि भएको वर्ल्डोमिटरले जनाएको छ ।
कोरोना भाइरस सङ्क्रमणको कारण विश्वभर सात लाख ३७ हजार ९ सयभन्दा धेरेको मृत्यु भएको छ भने कोरोना सङ्क्रमण भएका मध्ये एक करोड ३१ लाख भन्दा धेरै मानिस सङ्क्रमणमुक्त भएका छन् । 
अहिले विश्वमा ६४ लाख ३ सयभन्दा धेरै सक्रिय संक्रमित रहेका छन् । उनीहरुमध्ये ६४ हजार ५ सयभन्दा धेरै मानिस गम्भीर अवस्थामा रहेका छन् । चीनको हुबेई प्रान्तको वुहान शहरबाट गएको डिसेम्बर महिनाको अन्त्यबाट सुरु भएको कोरोना भाइरस अहिलेसम्म विश्वका दुई सय १६ देश तथा विभिन्न क्षेत्रमा पुगिसकेको विश्व स्वास्थ्य सङ्गठन (डब्ल्यूएचओ) ले जनाएको छ ।
अहिलेसम्म सबैभन्दा धेरै अमेरिकामा ५२ लाख ५१ हजार ४ सयभन्दा धेरैमा कोरोना भाइरसको सङ्क्रमण पुष्टि भएको छ । अमेरिकामा कोरोनाका कारण एक लाख ६६ हजार १ सयभन्दा धेरैको मृत्यु भएको छ । 
यस्तै दोस्रो धेरै प्रभावित देशमा ब्राजिल रहेको छ । ब्राजिलमा ३० लाख ५७ हजारभन्दा धेरैमा सङ्क्रमण पुष्टि हुँदा एक लाख एक हजार ८ सइ भन्दा धेरैको मृत्यु भएको छ ।
तेस्रो धेरै प्रभावित रहेको भारतमा २२ लाख ६७ हजारभन्दा धेरैमा सङ्क्रमण पुष्टि हुँदा ४५ हजार तीन सयभन्दा धेरैको मृत्यु भइसकेको छ ।