नेपालमा कोरोना संक्रमणबाट मृत्यु हुनेको संख्या ९१ पुग्यो 

२८ साउन, हेटौंडा । विश्वव्यापी महामारी बनेको कोरोना भाइरसको संक्रमणका कारण नेपालमा थप ८ जनाको मृत्यु भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार मृत्यु हुनेमा धनुषाका २ जना, काठमाडौं, धादिङ सप्तरी, मोरङ, कपिलवस्तु र बाराका एक–एकजना  रहेका छन् । 
प्रवक्ता गौतमले दिएको जानकारी अनुसार काठमाडौं महानगरपालिका–१२ टेकु निवासी ७८ वर्षीया महिलाको साउन २८ गते  किष्ट मेडिलकल कलेज शिक्षण अस्तपालमा मृत्यु भएको छ । भने धादिङका ३२ वर्षीय पुरुषको साउन २७ गते ह्याम्स अस्पतालमा मृत्यु भएको छ । 
यसैगरी धनुषाको जनपुर उपमहानगरपालिका–१ का ७१ वर्षीय पुरुषको साउन २८ गते ललितपुरको मेडिसिटी अस्पतालमा मृत्यु भएको छ भने धनषाकै जनकपुर उपमहानपालिका–८ का ३८ वर्षीया महिलाको साउन २८ गते पाटन स्वास्थ्य विज्ञान प्रतिष्ठानमा मृत्यु भएको छ ।
यस्तै सप्तरीको राजविराज –६ का ७२ वर्षीय पुरुषको साउन २७ गते राति मृत्यु भएको छ । मोरङ बुढीगंगा गाउँपालिकाका ५५ वर्षीय  पुरुषको साउन २८ गते वीपी कोइराला स्वास्थ्य विज्ञान प्रतिष्ठान धरानमा मृत्यु भएको प्रवक्ता गौतमले जानकारी दिए । 
कपिलवस्तु कपिलवस्तु नगरपालिका (२ तौलिहवाका ४२ वर्षीय पुरुषको साउन २८ गते बुटवल कोभिड–१९ विशेष अस्पतालमा मृत्यु भएको छ । बाराको कलैया उपमहानगरपालिकाका ७५ वर्षीय पुरुषको साउन २७ गते किष्ट डिलकल कलेज शिक्षण अस्पतालमा उपचारका क्रममा मृत्यु भएको छ । 
योसँगै हालसम्म देशभर कोरोना संक्रमणबाट मृत्यु हुनको संख्या ९१ पुगेको छ ।