कर्रा आइसोलेसनमा ३३ जना,गौरिटार आइसोलेसनमा १० जना

३१ साउन, हेटौँडा । हेटौँडा-४ कर्रामा रहेको आइसोलेसनमा हाल ३३ जना र आजबाट संचालनमा आएको हेटौँडा-६ गौरिटारमा रहेको आइसोलेसनमा १० जना गरी ४३ जना संक्रमितहरु रहेका छन्।

हेटौँडा–४ कर्रा आइसोलेसनका प्रमुख भोला प्रसाद चौलागाईले प्रष्ट खबरसँग कुरा गर्दै मकवानपुरमा कोरोना संक्रमितको संख्यामा धेरै वृद्धि नहुनु र संक्रमित पनि डिस्चार्ज हुदै गएकोले कर्रा आइसोलेसनामा यो समाचार तयार गर्दासम्म ३३ जना संक्रमित मात्र रहेको बताएका छन । त्यसैगरी आजबाट संचालनमा आएको हेटौँडा-६ गौरिटारमा रहेको आइसोलेसनमा यो समाचार तयार पार्दासम्म १० जना संक्रमित रहेको र आज मकवानपुर कोरोना पुष्टि भइ थपिएकालाई गौरिटार आइसोलेसन लगिने चौलागाईंले बताएका छन्। यद्यपि कोरोना संक्रमित होम क्वारेन्टाइनमा पनि बस्ने भएकोले आइसोलेसनमा लगिनेको संख्या थपघट हुन सक्ने जनाइएको छ । आज बिहान मात्र मकवानपुरमा २० जना कोरोना संक्रमित थपिएका छन्। 

मकवानपुरमा पछिल्लो एक सातादेखि कोरोना संक्रमितको संख्या बढदै गएपछि मदन भण्डारी स्वास्थ्य विज्ञान प्रतिष्ठान अन्तर्गत रहने गरी बागमती प्रदेश सरकारले आजबाट हेटौँडा -६  गौरिटारमा  १०० बेेेेडको आइसोलेसन संचालनमा ल्याएको छ ।