नसर्ने रोगबारे अन्तरक्रिया

७ असार, हेटौँडा । हेटौँडा–६ चौघडाको बंशगोपाल माविमा नसर्ने रोगबारे बुधबार अन्तरक्रिया भएको छ । राष्ट्रिय स्वास्थ्य शिक्षा, सूचना तथा संचार केन्द्र काठमाण्डौंको आयोजनामा अन्तरक्रिया भएको हो । 
कार्यक्रममा केन्द्रका जनस्वास्थ्य अधिकृत जीवन श्रेष्ठ, जिल्ला जनस्वास्थ्य कार्यालय मकवनपुरका जनस्वास्थ्य निरिक्षक जीवन श्रेष्ठ लगायतले सहजिकरण गरेका थिए । कार्यक्रममा मुटुरोग, उच्च रक्तचाप, मधुमेह, दम, क्यानसर, दिर्घ किसिमका श्वासप्रस्वासका रोगहरु अहिले चुनौतिको विषय बन्दै गएको जानकारी दिईएको थियो । यि रोगका कारण तत्वमा सूतिजन्य एवं मदिराजन्य पदार्थको सेवा, अस्वस्थकर खानपान, शारीरिक अभ्यानको कम लगायत रहेका छन् ।
कार्यक्रममा नसर्ने रोगका कारण विश्वमा बर्षेनी ३ करोड ६० लाख मानिसको मृत्यु हुने गरेको जानकारी दिईएको यिो । सन् २०२५ सम्ममा नसर्ने रोगबाट हुने मृत्यु ६० प्रतिशत रहेकोमा २५ प्रशितमा झर्ने लक्ष्य विश्व स्वास्थ्य संगठनले राखेको छ । नेपालमा पनि तत्कालिन प्रधानमन्त्री पुष्पकमल दाहाल र स्वास्थ्यमन्त्री गगन थापाले २०७४ साल बैशाख १ गते ‘मेरो बर्ष’ अभियानको शुभारम्भ गर्दै स्वस्थ रहने सन्देशमुलक ५ प्रतिवद्धताको शुरुवात गरेका थिए । कार्यक्रम बंशगोपाल माविका प्राचार्य रमेशप्रसाद लामिछाने प्रमुख आतिथ्यता एवं हेटौँडा–६ नम्बर वडाका अध्यक्ष अर्जुनप्रसाद चौलागाईको अध्यक्षतामा कार्यक्रम भएको थियो ।