हेटौंडा लेडी जेसिजको जेसिज सप्ताह: अनलाइनमा र भौतिक दुरी कायम गरी

२६ भदौ,हेटौँडा।  हेटौंडा लेडी जेसिजले यस बर्ष पनि जेसिज सप्ताहलाई निरन्तर्ता दिएको छ।  

नेपालमा  फैलिरहेको कोरोना भाइरस र भाइरसबाट जोगिन सरकारको मानिसको प्रत्यक्ष सहभागिता गरिने विभिन्न कार्यक्रमलाई लगाएको प्रतिबन्धलाई मध्यनजर गर्दै यस बर्ष हेटौँडा लेडि जेसिजले  अनलाइन तथा भौतिक दुरी कायम गरी जेसिज सप्ताह  मनाउन लागेको हो।

शुक्रबार आयोजित अनलाइन प्रेस ब्रिफिङमा बोल्दै हेटौँडा लेडि जेसिज बर्ष २०२० की अध्यक्ष सुशिला पौडेलले  अनलाइन तथा भौतिक दुरी कायम गरी जेसीज सप्ताह २०२० मनाउन लागिएको बताइन। उनले अनलाइन प्रेस ब्रिफिङमा भोलिबाट जेसिज सप्ताह सुरु भएर ३० गते मंगलबार समापन गरिने बताइन। 

२७ गते शनिबार सिआन पुर्नस्थापना केन्द्र हेटौंडालाई खाद्यान्न वितरण गर्ने, अनलाइन मार्फत महिला हिंसामा कोरोनाको प्रभाव छलफल गरिने,२८ गते विहान स्लो स्कृटी प्रतियोगिता गरिने,अनलाईन मार्फत एक घर एक करेसाबारी तालिम संचालन गरिने,२९ गते विहान रक्त सञ्चार केन्द्रमा रक्तदान कार्यक्रम गरिने, र अनलाइन मिडियाको सामाजिक प्रभाव विषयक वक्तृत्वकला प्रतियोगिता गरिने,३० गते घरमा खेर जाने वस्तु पुन प्रयोग गर्ने बारेको तालिमको आयोजना गरि कार्यक्रम समापन गरिने-अध्यक्ष पौडेलले भनिन्।  

कार्यक्रम सफल पार्न जेसिज पदाधिकारीलाइ संयोजक चयन गरिएको बताइएको छ।