भारतमा एकैदिन थपिए ९३ हजार भन्दा बढी संक्रमित

२९ भदौ, हेटौंडा । विश्वमा महामारीको रुपमा पैmलिएको कोरोना अर्थात कोभिड –१९ बाट भारतमा एकैदिन ९३ हजार भन्दा बढी मानिस संक्रमित भएका छन् । 
पछिल्लो २४ घण्टामा भारतमा ९३ हजार २ सय १५ जना नयाँ संक्रमित फेला परेको वल्र्डोमिटरले जनाएको छ ।
यो सँगै भारतमा कुल संक्रमितको संख्या ४८ लाख ४५ हजार ३ पुगेको छ । यसैगरी भारतमा पछिल्लो २४ घण्टामा १ हजार १ सय ४० जनाले कोरोना संक्रमणका कारण ज्यान गुमाएका छन् । 
यो सँगै भारतमा कुल मृतकको संख्या ७९ हजार ७ सय ५४ पुगेको छ । 
भारतमा कुल संक्रमित मध्ये ३७ लाख ७७ हजार भन्दा बढी मानिसहरु उपचारपछि निको भएर घर फर्किएका छन् । 
भारतमा अहिलेपनि ९ लाख ८८ हजार भन्दा धेरै सक्रिय संक्रमित रहेका छन् भने ८ हजार ९ सय भन्दा बढी अवस्था गम्भिर रहेको छ ।
कोरोना संक्रमित धेरै हुने विश्वको दोश्रो स्थानमा रहेको भारत भन्दा अघि अमेरिका रहेको छ ।
अमेरिकाम संक्रमितको संख्या ६७ लाख ८ हजार भन्दा बढी छ भने भारतभन्दा पछि रहेको ब्राजिलमा ४३ लाख ३० हजार भन्दा बढी मानिस कोरोनाबाट संक्रमित भएका छन् । 
हालसम्म विश्वमा २ करोड ९१ लाख ७९ हजार भन्दा बढी मानिस कोरोनाबाट संक्रमित भएको वल्र्डोमिटरले जनाएको छ ।