‘अपराध न्युनिकरणमा प्रतिवद्ध’

११ असार, हेटौंडा । मकवानपुरका नवनिर्वाचित गाउँपालिका  जनप्रतिनिधिहरुले अपराध न्युनिकरणमा कुनै सम्झौता नहुने प्रतिबद्धता ब्यक्त गरेका छन् । सामुदायीक सेवा केन्द्र मकवानपुर र जिल्ला प्रहरी कार्यालय मकवानपुरले आईतबार मकवानपुरको बकैया, बाग्मती र मकवानपुरगढी गाउँपालिकामा आयोजना गरेको सम्मान तथा ‘अपराध न्युनिकरणमा आवश्यक भूमिका’ विषयक अन्तरक्रियामा उनीहरुले प्रतिबद्धता ब्यक्त गरेका हुन् ।
बकैया गाउँपालिकामा भएको कार्यक्रममा बोल्दै गाउँपालिका अध्यक्ष दामोदर खनालले गाउँपालिकामा सभ्य समाज निर्माणको लागि अपराध न्युनिकरणमा आफुहरुले सक्दो सहयोग गर्ने बताए । उपाध्यक्ष सरला बोलखेले आफुले न्यायीक सम्पादको क्रममा सामुदायीक प्रहरीसँग सहकार्य गरी काम गर्ने बताईन् ।
बाग्मती गाउँपालिकाका अध्यक्ष सर्केस घलानले गाउँपालिका स्तरमै सामुदायीक सेवा केन्द्र स्थापना गरि काम गर्न  पहल गरिने बताए । उपाध्यक्ष धनमाया स्याङ्तानले अपराध न्युनिकरणका लागि प्राथमिकताका आधारमा जनचेतनाका कार्यक्रमहरु गरिने प्रतिवद्धता व्यक्त गरिन् । 
मकवानपुरगढी गाउँपालिकामा भएको कार्यक्रममा बोल्दै अध्यक्ष बिदुर हुँमागाईले गाउँपालिकामा शान्ति सुरक्षा कायम गर्न प्रहरी युनिटको आवश्यकता रहेको बताए ।
कार्यक्रममा सामुदायीक सेवा केन्द्रका संस्थापक अध्यक्ष रामचन्द्र अर्याल, जिल्ला प्रहरी कार्यालयका प्रहरी निरीक्षक प्रकाश श्रीमल, सामुदायीक सेवा केन्द्रका निवर्तमान अध्यक्ष कुमार पौडेल, संस्थापक सचिव श्यामकृष्ण खतिवडाले सामाजिक बिकृती र अपराध न्युनिकरणको लागि समुदायसँग मिलेर काम गर्न आफुहरु तयार रहेको बताए ।