आइपीएलः चेन्नाईको विजयी सुरुवात

४ असोज, हेटौंडा । इण्डियन प्रिमियर लिग (आईपीएल) को उद्घाटन खेलमा महेन्द्र सिंह नेतृत्वको चेन्नाइ सुपर किंग्सले विजयी सुरुवात गरेको छ ।
चेन्नाइले डिफेन्डिङ च्याम्पियन मुम्बई इण्डियन्सलाई पराजित गरेको हो ।
अबुधाबीमा सम्पन्न खेलमा मुम्बई चेन्नाइ सुपर किंग्ससँग ५ विकेटले पराजित भयो। टस हारेर ब्याटिङमा उत्रिएको मुम्बईले निर्धारित २० ओभरमा ९ विकेट गुमाउँदै १६२ रन बनाएको थियो ।
खराब सुरुवात गरेको चेन्नाईले १९.२ ओभरमा ५ विकेट गुमाउँदै लक्ष्य पूरा ग¥यो । सुरुमै दुई विकेट गुमाएर दबाबमा रहेको चेन्नाईको इनिङ्ग्स अम्बाती रायडु र फाफ डु प्लेस्सिसले उकासेका थिए । 
रायडुले सर्वाधिक ७१ रन बनाउँदा प्लेस्सिस ५५ रनमा नटआउट रहे। त्यस्तै साम कुरनले १८ रन तथा रवीन्द्र जडेजाले १० रन जोडे । 
मुम्बईका लागि सौरभ तिवारीले सर्वाधिक ४२ रन बनाउँदा क्विन्टन डि ककले ३३, किरोन पोलार्डले १८, सूर्यकुमार यादवले १७, हार्दिक पाण्ड्याले १४ तथा कप्तान रोहित शर्माले १२ रन बनाए ।
चेन्नईका लागि लुन्गी तीन विकेट लिँदा दीपक चहार र रवीन्द्र जडेजाले समान २/२ विकेट लिए ।
यस्तै साम कुरन, पीयुष चावलाले १/१ विकेट लिए । त्यस्तै मुम्बईका लागि ट्रेन्ट बोल्ट, जेम्स प्याटिन्सन, जसप्रित बुमराह, क्रुणाल पाण्ड्या र राहुल चाहरले समान १/१ विकेट लिए ।