हेटौँडामा ३ सवारी दुर्घटना:गम्भीर घाइते प्रहरीलाई हेलिकप्टरबाट काठमाडौं लगियो(अपडेट)

File photo

९ असोज,हेटौँडा ।  शुक्रबार बिहान पुर्व पश्चिम राजमार्ग अन्तर्गत हेटौँडा-१ चाइनागेट आगाडि भएको सवारी दुर्घटनामा गम्भीर घाइते २ प्रहरीलाई हेलिकप्टर मार्फत  काठमाडौं लगिएको छ। 

गम्भीर घाइते २ जनाको  हेटौँडामा उपचारका हुन नसकेपछि थप उपचारको लागि नेपाली सेनाको  हेलिकप्टर मार्फत काठमाडौं लगिएको हो।उक्त दुर्घटनामा घाइते भएका  बा २ ब ६०४६ नम्बरको सरकारी मोटरसाइकलमा सवार सुर्खेत घर भइ बागमती प्रदेश प्रहरी विपद व्यवस्थापन गुल्म हेटौँडामा कार्यरत प्रहरी जवान २१ बर्षीय रबिन्द्र बि क र सिन्धुपाल्चोक घर भई सोही कार्यालयमा कार्यरत प्रहरी जवान  २५ बर्षीय राज कुमार परियार गम्भीर घाइते भएका थिए।  

घाइते दुवैको थप उपचारका लागि सेनाको हेलिकप्टर मार्फत काठमाण्डौ स्थिति ट्रमा सेन्टर लगिएको मकवानपुर प्रहरी प्रवक्ता डिएसपी इन्द्र बहादुर रानाले जनाएका छन।त्यसैगरी उक्त दुर्घटनामा ना ५४ प ३४०१नम्बरको स्कुटर चालक हेटौँडा-१४ मयुरधापका ६० बर्षीय पदम बहादुर मोक्तानको हेटौँडा अस्पतालमा उपचार भइरहेको  र अवस्थामा सामान्य रहेको जनाइएको छ।  

बसपार्कतर्फ बाट नवलपुर तर्फ जाँदै गरेको बा २ ब ६०४६ नम्बरको सरकारी मोटरसाइकल, नवलपुरबाट हेटौँडा बजार तर्फ आउँदै गरेको ना १ ह २७७ नम्बरको अटो र डिभिजन सडक कार्यालयबाट आउदै गरेको  ना ५४ प ३४०१ नम्बरको स्कुटर शुक्रबार बिहान एक आपसमा ठक्कर खाई दुर्घटना भएका थिए।  स्कुटर,मोटरसाइकल र अटो तथा अटो चालक प्रहरी नियन्त्रणमा रहेको जनाइएको छ।