मकवानपुरमा १० हजार ८ सय १ जना अपाङ्ग

१५ असार,हेटौँडा । नेत्रहीन संघ, पुर्नस्थापन कार्यक्रम मकवापुरले मकवानपुरमा १० हजार ८ सय १ जना अपाङगता भएका व्यक्तिहरु रहेको तथ्याङ्क शार्वजनीक गरेको छ । नेपाल नेत्रहीन संघ पुनस्र्थापन कार्यक्रमको आयोजना र एन.ए.वि.पी नर्वे तथा प्लान इन्टरनेशनल नेपाल हेटौडा फिल्ड अफिसको सहयोगमा अपांगता भएका व्यक्तिहरुको अवस्था विश्लेषण–२०७४ नामक पुस्तकमा शार्वजनीक गर्दै मकवानपुर जिल्लाको एक उपमहानगरपालिका,एक नगरपालिका र ८ वटा गाउँपालीकाको  ८८ हजार १८ घर धुरीमा गरिएको सर्वेक्षणबाट  यो तथ्य शार्वजनीक गरिएको हो ।   जसमा ५ हजार २ सय ९ महिला,५ हजार ५ सय ९१ जना पुरुष र १ जना तेस्रो लिङ्गी अपांग रहेको पुस्तकमा जनाईएको छ ।  
सर्वेक्षण अनुसार  मकवानपुरमा  ४ हजार ५ सय २१ जना अल्पदृष्टि युक्त व्यक्ति , २ हजार ८ सय ६१ जना शारिरीक अपांगता भएका , ७ सय ८ जना दृष्टिविहिन भएका , ११ जना अटिजम भएका , ६ सय २५ जना बहिरा  , ८३ जना सुस्त श्रवण , ५ सय ४२, बौद्धिक अपांग , १ सय ४६, मनोसामाजिक अपांगता भएका ,२ सय ५२, ६ सय २३ बहुअपांग भएका, ३ सय ९२स्वर बोलाई सम्बन्धि अपांगता भएका र ३७ जना अन्य अपांगता भएका व्यक्ती रहेकोे पुस्तकमा जनाईएको छ ।
अपांगता भएका व्यक्तिहरुको अवस्था विश्लेषण–२०७४ नामक पुस्तकको हेटौडा उपमहानगरपालिकाका मेयर हरिबहादुर महतले सार्वजनिक गर्नु भएको थियो । कार्यक्रम नेपाल नेत्रहीन संघका अध्यक्ष रमेश पोखरेलको अध्यक्षतामासम्पन्न भएको थियो ।