आत्मबल बलियो पार्नुस कोरोना सजिलै जित्न सकिन्छ:राउत

१७ असोज,हेटौँडा।  हेटौँडाका युवा ब्यवसायी महेन्द्र राउत र उनको परिवारले आत्मबल बलियो पार्न सके कोरोना सजिलै जित्न सकिने  बताएका छन्।कोरोना संक्रमण भएर २४ दिनपछि कोरोना मुक्त भएर डिस्चार्ज भएका राउत तथा उनको परिवारले हेटौँडाका  संचारकर्मीलाइ यसो बताएका हुन।  

मकवानपुर उद्योग वाणिज्य संघका पूर्व महासचिव राउत र उनको श्रीमती भगवती राउतलाई भदौ २५ गतेको हेटौँडामा गरिएको  कोरोना परिक्षणको रिपोर्टमा कोरोना पुष्टि भएको थियो।उनले संचारकर्मीसंग कोरोना लागेपछिको अनुभव साटासाट गर्दै कोरोनाको संक्रमणबाट बच्नको लागि स्वास्थ्य सुरक्षाका मापदण्ड अवलम्बन गर्न सुझाव दिएका छन् ।उनले कोरोनाको संक्रमण हुनै नदिने  स्वास्थ्य मापदण्ड अपनाएर घर  बाहिर निस्कनुपर्ने, त्यसो गर्दा कोरोना संक्रमण  भइहाले उच्च मनोबलका साथ सतकर्ता अपनाउनुपर्ने बताएका छन्।  

'मेरो परिवारलाई कुनै असर देखिएन,मलाई श्वासप्रश्वासमा समस्या देखिएपछि काठमाडौं नर्भिक अस्पतालमा  भर्ना भए,डाक्टर र अस्पतालको सहज उपचारले  २४ दिनपछि कोरोना जित्न सफल भएको छु'- राउतले भने।

त्यसैगरी राउतकी  श्रीमती  भगवती राउतले कोरोनाको असर सबैमा एउटै नहुने तर पनि कोरोनाको संक्रमण पछि मानसिक चिन्ताले सताउनै भन्दै, उच्च मनोबल बढाउनु पर्ने सुझाव दिइन ।त्यसैगरी राउतका छोरा दर्शन राउतले कोरोनाको संक्रमण भएपछि घरेलु विधिका साथै डाक्टर र स्वास्थ्यकर्मीको सल्लाह र हौसला सहित सबैको माया अवश्यक पर्ने बताउदै कोरोना संक्रमितलाई घृणा होइन माया गर्न सुझाव दिएका छन्।