नर्सिङ पढ्न चिनी लामा प्रतिष्ठानको आर्थिक सहयोग

१८ असोज,हेटौंडा । हेटौंडा–११, थानाभ¥याङकी १६ वर्षीया स्मृति पोखरेललाई नर्सिङ पढ्न नगद सहयोग गरिएको छ ।उनलाई शनिबार चिनी लामा प्रतिष्ठानले नगद सहयोग गरेको हो।यस वर्षको एसईईमा उत्कृष्ट अंक ल्याएकी पोखरेलले  

नर्सिङ पढ्ने ठूलो चाहना बोकेर पनि आर्थिक समस्यामा रहेकी उनलाई शनिबार हेटौंडा–११ स्थित विपन्न सरकारी संस्थामा अनौपचारिक कार्यक्रमबीच रकम हस्तान्तरण गरिएको हो । 

हेटौँडा-११ का वडाध्यक्ष गोकर्ण पराजुलीको प्रमुख आतिथ्यता तथा नेपाल सुनचादी व्यबसायी महासंघ बागमती प्रदेश अध्यक्ष ज्योतिरत्न बज्राचार्यलगायतको आतिथ्यतामा स्मृतिलाई कोषका संरक्षक दुर्गामान शाक्य, बज्राचार्य र वडाध्यक्ष पराजुलीलगायतले नगद हस्तान्तरण गरेका थिए।काठमाडौं–६, बौद्ध, फूलबारीका समाजसेवी सूर्यवज्र लामाले आमाको स्मृतिमा स्थापना गरेको कोषले मकवानपुरका विभिन्न क्षेत्रमा सहयोग गर्दै आएको छ ।  आर्थिक अभावका कारण भविष्यकी एक कर्णाधारको सपनामा ठेस नपुगोस् भनेर थोरै भए पनि सहयोग गरिएको प्रतिष्ठान अध्यक्ष समाजसेवी कमलचन्द्र सुमनले बताए । प्रतिष्ठानको कोषबाट १ लाख रुपैयाँ सहयोग गरिएको उनले बताए । नर्स बन्ने सपना पूरा गर्न अब उनी र उनको परिवारमा थप ऊर्जा प्राप्त भएको छ ।