विश्वका २ करोड ६८ लाख भन्दा धेरैले कोरोना जिते

२० असोज, हेटौंडा । विश्वमा महामारीको रुपमा फैलिएको कारोना भाइरसको संक्रमणबाट विश्वका २ करोड ६८ लाख भन्दा बढी मानिसहरु निको भएका छन् ।
कोरोनाको तत्थ्यांक प्रस्तुत गरिरहेको वल्र्डोमिटरका अनुसार अहिलेसम्म विश्वभरमा २ करोड ६८ लाख ६४ हजार ६ सय ३७ जना मानिसले कोरोना भाइरसको संक्रमणलाई जितेका छन् ।
विश्वभरमा ३ करोड ५६ लाख भन्दा धेरै मानिस कोरोनाबाट संक्रमित भएकामा अहिलेपनि ७७ लाख ८४ हजार भन्दा बढी मानिस कोरोनासँग जुधिरहेका छन् । यसमध्ये ६६ हजार भन्दा बढी संक्रमितको अवस्था चिन्ताजनक रहेको वल्र्डोमिटरले जनाएको छ ।
कोरोनाबाट विश्वको सबैभन्दा बढी प्रभावित अमेरिकामा ७६ लाख भन्दा बढी मानिस संक्रमित हुँदा यहाँ ४८ लाख ९४ हजार भन्दा बढी मानिसहरु निको भएका छन् । 
अहिलेसम्म २ लाख १५ हजार भन्दा बढी मानिसले ज्यान गुमाएको अमेरिकामा २५ लाख ६९ हजार भन्दाब बढी मानिसमा कोरोना संक्रमण छन भने १४ हजार भन्दा बढीको अवस्थ गम्भिर रहेको छ ।
यसैगरी दोश्रो प्रभावित भारतमा ६६ लाख ८२ हजार भन्दा बढी मानिस संक्रमित हुँदा ५६ लाख ५९ हजार भन्दा बढी मानिस निको भएर घर फर्किएका छन् ।
यसैगरी भारतमा अहिलेपनि ९ लाख १९ हजार भन्दा बढी मानिसमा संक्रिय संक्रमण छ भने ८ हजार भन्दा बढी मानिसको अवस्था चिन्ताजनक रहेको छ ।
यस्तै तेश्रो प्रभावित ब्राजिलमा अहिलेसम्म ४९ लाख ४० हजार भन्दा बढी मानिस कोरोनाबाट संक्रमित भएका छन् । यहाँ अहिलेसम्म ४२ लाख ९५ हजार भन्दा बढी मानिसले कोरोना जितेका छन् ।
ब्राजिलमा ४ लाख ९८ हजार सक्रिय संक्रमित रहेका रहँदा ८ हजार भन्दा बढी मानिसको अवस्था चिन्ताजनक रहेको छ ।