एकैदिन विश्वमा सबैभन्दा धेरै ३ लाख ५२ हजार बढी संक्रमित थपिए

२४ असोज, हेटौंडा । पछिल्लो २४ घण्टामा विश्वभर अहिलेसम्मकै धेरै ३ लाख ५२ हजार भन्दा बढी मानिस कारोना अर्थात कोभिड १९ को संक्रमणबाट संक्रमित भएका छन् ।
कोरोनाको तत्थ्यांक प्रस्तुत गरिरहेको वर्ल्डोमिटरका अनुसार पछिल्लो २४ घण्टामा ३ लाख ५२ हजार ८ सय ८९ जना मानिस संक्रमित भएका हुन् । 
यो सँगै विश्वभर कोरोना भाइरसबाट संक्रमित हुनेको कुल संख्या ३ करोड ७० लाख ९२ हजार ७ सय ६ पुगेको छ ।
विश्वभर भएका कुल संक्रमित मध्ये २ करोड ७८ लाख ८४ हजार भन्दा धेरै मानिसहरु निको भएर घर फर्किएका छन् ।
अहिलेपनि विश्वभर ८१ लाख ३५ हजार भन्दा धैरैजनामा संक्रमण रहेको छ भने ६० हजार भन्दा धेरै मानिसको अवस्था गम्भिर रहेको छ ।
अहिलेसम्म सबैभन्दा धेरै संक्रमित रहेको अमेरिकामा पछिल्लो २४ घण्टामा ६० हजार ४ सय १८ जना संक्रमित थपिएका छन् । यहाँ योसँगै यहाँ कुल संक्रमितको संख्या ७८ लाख ९४ हजार ३ सय ३८ पुगेको छ । 
यस्तै दोस्रो धेरै प्रभावित देश भारतमा ७३ हजार १ सय ९६ जना नयाँ संक्रमित थपिदा कुल संक्रमितको संख्या ६९ लाख ७७ हजार ८ पुगेको छ । 
यसैगरी विश्वको तेस्रो धेरै प्रभावित देश ब्राजिलमा ५ लाख ५७ हजार १ सय ९० जनामा कोरोना संक्रमण पुष्टि हुँदा पछिल्लो २४ घण्टामा २७ हजार ६ सय ५१ जना नयाँ संक्रमित थपिएका छन् ।