मिर्गौलाको पत्थरी झिक्दा मिर्गौला गायब 

२१ असार, हेटौँडा । काठमाण्डौँको स्वयम्भूमा रहेको मनमोहन मेडिकल कलेज एन्ड टिचिङ हस्पिटल बिरामीको उपचारका क्रममा मिर्गौला झिकिएको तथ्य सार्वजनीक भएको छ । 

नुवाकोट जिल्लाको विदुर नगरपालिका–१२ का ३२ वर्षीय शिवप्रसाद रिमालको  मिर्गौैलामा पत्थरी भएर मनमोहन मेडिकल कलेज एन्ड टिचिङ हस्पिटलमा शल्यक्रिया गर्दा चिकित्सकले  मिर्गौला झिकिएको तथ्य सार्वजनीक भएको हो । एक वर्षअघि वैदेशिक रोजगारीबाट फर्के  कोखामा अत्यधिक दुखाई भएपछि गत जेठ २२ गते उपचारका लागि उनी मनमोहन मेडिकल कलेज एन्ड टिचिङ हस्पिटल  गएका थिए । रिमालले चिकित्सकले सबै जाँच गरेपछि मिर्गौलामा पत्थरी छ झिक्नुपर्छ भनी  २५ गते शल्यक्रिया गरेको र म अचेत हुँदा मेरी श्रीमतीलाई कर गरेर ६ बुँदे सम्झौता समेत भएको र आफुले सो कुरा घर गएपछि मात्र थाहा पाएको बताए  ।
यता बिरामी रिमालले सो सम्झौता आफूलाई मान्य नहुने भन्दै पत्थरी झिक्नुअगाबै मिर्गौला झिक्नेबारे केही जानकारी नदिनुका कारण माग गर्दै न्यायालय जाने बताएका छन् । अस्पतालका संयोजक डा रामकुमार अधिकारीले अस्पतालले बिरामीसँग गरेको सम्झौतामा दुवै मिर्गौला पत्थरी रहेको र बायाँतर्फको मिर्गौलामा असामान्य रहेकाले शल्यक्रियाका क्रममा अचानक आन्तरिक रक्तश्राव भएपछि रक्तश्राव  नरोकिएपछि ज्यान बचाउन मिर्गौला झिक्नुपरेको बताए ।  त्यसैगरी चिकित्सकको  लापरवाहीका कारण बिरामीको स्वास्थ्यमा  खेलवाड गरिएको  भन्दै बिरामी पक्षले  पचास लाखको क्षतिपूर्तिसहित जीवन बीमालगायतको माग राखी अस्पताल प्रशासनमा निवेदन दिएका छन् ।