लागु औषध सहित चार युवक पक्राउ

२१ असार, हेटौँडा । ईलाका प्रहरी कार्यालय पशुपतिनगरबाट खटिएको प्रहरीले हेटौंडा उपमहानगरपालिका–१५ स्थित रातोमाटे प्रहरी चेकपोष्टमा जाँच गर्नेक्रममा लागुऔषध सहित चार जना युवकलाईपक्राउ गरेको छ । 

बिरंगज बाट हेटौडा तर्फ आउदै गरेको ना ६ ख ७८७१ नम्बरको यात्रु  बस चेक जाँच गर्ने क्रममा उक्त बसमा सवार भई आएका जिल्ला बारा निजगढ नगरपालिका  ३ सिंगोलका १८ वर्षीया गणेश जिम्बा, जिल्ला काठमाण्डौ काठमाण्डौ महानगरपालिका ६ बौद्ध बस्ने २१ वर्षीया  बिराज गुरुङ  साथै बारा निजगढ नगरपालिका  ३ सिंगोलका  २० वर्षीय बुद्ध जिम्बाले बसको सिटमुनी लुकाई छिपाई ल्याएको लागु औषध नाईट्रोभेट २५ ट्याव्लेट, प्रोफिभोन ७ ट्याव्लेट, डाईजेपाम १२५ एम्पुल, फेनारागन १२५ एम्पुल र ब्युप्रिनोफिन १२५ एम्पुल सहित पक्राउ गरेको  जिल्ला प्रहरी कार्यालयले जनाएको छ ।
त्यसैगरी हेटौंडा उपमहानगरपालिका–१५ स्थित रातोमाटे प्रहरी चेकपोष्टमै हेटौडा बाट पथलैया तर्फ जादै गरेको ना ४ ख ४९९१ नम्बरको यात्रु  बसलाई चेक जाँच गर्ने क्रममा बसमा सवार हेटौंडा उपमहानगरपालिका  १३ पदमपोखरीका २३ वर्षीय  शोभित थोकर डाईजेपाम ८ एम्पुल, ब्युप्रिनोफिन ८ एम्पुल र फेनारगन ८ एम्पुल सहित पक्राउ परेका छन । पक्राउ परेका सबैको  आवश्यक अनुसन्धान भईरहेको जिल्ला प्रहरी कार्यालयले जनाएको छ ।