आईपीएलमा दिल्ली हैदराबादसँग ८८ रनले पराजित

१२ कार्तिक, हेटौंडा । युएईमा जारी १३ औं संस्करणको इन्डियन प्रिमियर लिग (आईपीएल) टी– क्रिकेटमा दिल्ली क्यापिटल्स हैदराबादसँग पराजित भएको छ ।
दुबईमा मंगलबार राति भएको खेलमा हैदराबादले नेपाली लेग स्पिनर सन्दीप लामिछाने आबद्द टिम दिल्लीलाई ८८ रनले पराजित गरेको हो ।
दुबई अन्तराष्ट्रिय क्रिकेट स्टेडियममा हैदराबादले दिएको २ सय २० रनको लक्ष्यसहित जवाफी ब्याटिङ गरेको दिल्लीले १९ ओभरमा अलआउट हुँदै १ सय ३१ रन मात्र बनाउन सक्यो ।
दिल्लीका लागि ऋषब पन्तले सर्वाधिक ३६ रन जोड्दा अजिन्का रहानेले २६ रन बनाए । टुसार देशपाण्डेले अविजित २० रन जोड्दा शिम्रन हिटमायरले १६ रन बनाए ।
यस्तै कप्तान श्रेयस एयर ७ रनमा आउट हुँदा शिखर धवन सुन्य रनमा पेभेलियन फर्किए । दिल्लीलाई सस्तैमा समेट्ने क्रममा हैदराबादका राशिद खानले ३ विकेट लिए भने सन्दीप शर्मा र टी नटराजनले २ ÷ २ विकेट लिए ।
यस अघि टस हारेर पहिले ब्याटिङ गरेको हैदराबादले २० ओभरमा २ विकेट गुमाएर २ सय १९ रन बनाएको थियो । हैदराबादका लागी रिद्दिमान शाहले ८७ र कप्तान डेभिड वार्नरले ६६ रनको अर्धशतकीय पारी खेले ।
यस्तै मनिस पाण्डेले अविजित रहदै ४४ रन जोड्दा केन विलियम्सनले अविजित ११ रन बनाए । दिल्लीकालागी एनरिच नोर्टजे र रविचन्द्र आश्विनले १ ÷ १ विकेट लिए । 
जितसँगै हैदराबाद १२ खेलमा १० अंक जोडेर छैटौं स्थानमा उक्लिएको छ । दिल्लीले १२ खेलमा ७ जितसहित १४ अंक जोडेर तेस्रो स्थानमा रहेको छ ।