एकैदिन विश्वमा ५ लाख ४१ हजार बढी संक्रमित थपिए

२६ कात्तिक, हेटौंडा । पछिल्लो २४ घण्टामा विश्वभर ५ लाख ४१ हजार भन्दा बढी मानिस कारोना अर्थात कोभिड १९ को संक्रमणबाट संक्रमित भएका छन् ।
कोरोनाको तत्थ्यांक प्रस्तुत गरिरहेको वर्ल्डोमिटरका अनुसार पछिल्लो २४ घण्टामा ५ लाख ४१ हजार ६ सय ६६ जना मानिस संक्रमित भएका हुन् । 
यो सँगै विश्वभर कोरोना भाइरसबाट संक्रमित हुनेको कुल संख्या ५ करोड १७ लाख ९६ हजार ३ सय २१ पुगेको छ ।
विश्वभर भएका कुल संक्रमित मध्ये ३ करोड ६३ लाख ८४ हजार भन्दा धेरै मानिसहरु निको भएर घर फर्किएका छन् भने १२ लाख ७८ हजार भन्दा बढीको ज्यान गएको छ ।
अहिलेपनि विश्वभर १ करोड ४१ लाख भन्दा धैरैजनामा संक्रमण रहेको छ भने ९४ हजार भन्दा धेरै मानिसको अवस्था गम्भिर रहेको छ ।
विश्वको सबैभन्दा धेरै संक्रमित रहेको अमेरिकामा पछिल्लो २४ घण्टामा १ लाख ३५ हजार १ सय ४७ जना संक्रमित थपिएका छन् । यहाँ योसँगै यहाँ कुल संक्रमितको संख्या १ करोड ५ लाख ५८ हजार ७ सय ५७ पुगेको छ । 
यस्तै दोस्रो धेरै प्रभावित देश भारतमा ४४ हजार ६ सय ७९ जना नयाँ संक्रमित थपिदा कुल संक्रमितको संख्या ८६ लाख ३५ हजार ७ सय ५४ पुगेको छ । 
यसैगरी विश्वको तेस्रो धेरै प्रभावित देश ब्राजिलमा ५७ लाख १ हजार २ सय ८३ जनामा कोरोना संक्रमण पुष्टि हुँदा पछिल्लो २४ घण्टामा २५ हजार ५ सय १७ जना नयाँ संक्रमित थपिएका छन् ।