सामुदायिक प्रहरी सेवा उप-केन्द्र हेटौँडा-१० बसपार्कद्वारा १२ जनाको उद्धार

File photo

२७ कार्तिक,हेटौँडा। सामुदायिक प्रहरी सेवा उप केन्द्र हेटौँडा-१० बसपार्कले स्थापना भएको  एक बर्षको अवधिमा १२ जनाको उद्धार गरेको छ।उप-केन्द्रले ४ महिला,४ बालवालिका र ४ पुरुषको उद्धार गरेको उप-केन्द्रका अध्यक्ष प्रदिप कंडेल बताएका छन्। 

पारिवारिक कलह,बसपार्कमा आएर अलपत्र परेका र शारिरीक असक्त १२ जनाको उद्धार गरेको हो।उद्धार गरिएक मध्य २ महिला, २ बालवालिका र १ पुरुषलाई जिल्ला प्रहरी कार्यालय मकवानपुरको समन्वयमा आफन्तको जिम्मा लगाएको,२ बालबालिकालाई हेटौँडा-११ मा रहेको मामाघर नेपाल नामक संस्थामा पठाइएको र उद्धार गरिएका३ पुरुष र २ महिलालाई मानवसेवा आश्रममा पठाइएको उप-केन्द्रकी प्रहरी हवल्दार सिता खत्रीले जानकारी दिइन।उद्धार गरिएका महिला मध्ये १ जना ८ महिने गर्भवती महिला समेत रहेको खत्रीले बताइन।१२ जना  सबैलाई बसपार्क क्षेत्रमा अलपत्र परेको अवस्थामा फेला पारी उद्धार गरिएको जनाइएको छ।  

२०७६ सालमा गठन गरिएको उप-केन्द्रको यस बर्ष भदौ २१ गते बसपार्कमा नवनिर्मित भवनको उदघाटन गरिएको थियो।कोरोनाको न्युनिकरणका लागि उप-केन्द्रको समन्वयमा मास्क वितरण, बसपार्क क्षेत्र सरसफाई र अलपत्र परेकालाई उद्धार कार्य र चाडबाडको अवसरमा नागरिक सहायक कक्ष स्थापना गरि सेवा दिदै आएको छ।