कुष्माण्ड सरोवर त्रिवेणीधाममा मेला लाग्ने

३० कार्तिक, हेटौंडा । मकवानपुरको धार्मिक तथा पर्यटकीय क्षेत्रका रुपमा विकास भइरहेको हेटौंडाको कुष्माण्ड सरोवर त्रिवेणीधाममा हरेक वर्ष जस्तै यसवर्ष पनि कुष्माण्ड नवमी मेला लाग्दै छ । 
कुष्माण्ड नवमी यषवर्ष मंसिर ८ गते परेको छ । यस दिन कुभिण्डोमा सुनको प्रतिमा राखी दान गर्नाले भूमी दान गरे बराबरको पुण्य मिल्ने धार्मिक मान्यता रहेको छ । परापूर्व कालमा देवता र राक्षस बीच युद्ध हुँदा राक्षस मारिए पनि उसको केशबाट कुभिण्डोको लहरा उत्पति भएको र त्यसैको फलका रुपमा कुभिण्डो फलेको पौराणिक कथन रहेको छ । त्यही कुभिण्डोमा सुनको प्रतिमा राखी भगवानलाई अर्पण गर्नाले सारा दुख कष्ट हटेर जाने धार्मिक विश्वास रहि आएको पण्डित देवीप्रसाद कोइरालाले बताए । 
कुभिण्डो दान गर्न यस वर्ष विगतका वर्षहरूमा जसे भक्तजनको उपस्थिति नरहने समितिका अध्यक्ष ईश्वरीप्रसाद न्यौपानेले बताए । विगतका वर्षहरूमा १० हजार भन्दा बढीको संख्यामा भक्तजनहरु धाममा आउने अध्यक्ष न्यौपानेले बताउनुभयो ।  कुष्माण्ड नवमी मेलामा १०८ धारामा स्नान, कुभिण्डो दान, हवन, भजन कीर्तन लगायतका कार्यहरु हुने न्यौपानेले जानकारी दिनुभयो । कुष्माण्ड नवमी मेलासंगै मकर मेला, एकादशी, साउने सोमबारहरूमा भक्तालुहरुको घुईचो लाग्ने गर्दछ ।