मकवानपुरमा बन्दको आंशिक प्रभाव

तस्विरः प्रष्ट खबर

 २७ असार, हेटौँडा । आफ्ना कार्यकर्ताको पक्राउको कारण जनाउदै नेत्रविक्रम चन्द विप्लव नेतृत्वको नेकपा माओवादीले आव्हान गरेको नेपाल बन्दको हेटौँडा लगायत देशैभरी आंशिक प्रभाव परेको छ ।

शैक्षिक संस्थामा बन्दको प्रभाव पुर्ण रुपमा  देखिएपनि हेटौँडाका बजार खुलेका छन मोटरसाईकल,अटो, मयुर ,टेम्पु निवार्ध रुपमा चलेका छन  भने हेटौँडा भएर लोमो तथा छोटो दुरीमा चल्ने यात्रुबाहक र मालबाहक सवारी साधन आंशिक रुपमा चलेको जिल्ला ट्राफिक कार्यालय मकवानपुर प्रमुख नविन अधिकारीले जानकारी दिए ।  बन्दकर्ता सडकमा देखिएका छैनन भने अहिले सम्म मकवानपुरमा कुनै अप्रिय घटना नभएको जिल्ला प्रहरी कार्यालय मकवानपुरले जानकारी दिएको छ ।
यता, आज बिहान पाल्पामा बम विष्फोट भएको छ । तानसेनको भगवतीटोलस्थित गणेश मन्दिर नजिकै प्रेसरकुकर बम विष्फोट भएको छ । मंगलबार विप्लव नेतृत्वको नेपाल कम्युनिस्ट पार्टीले नेपाल बन्दको आह्वान गरेकोले  विप्लव नेतृत्वका कार्यकर्ताले बम विष्फोट गराएको हुनसक्ने प्रहरीको अनुमान गरेको छ । बम विष्फोटबाट कुनै मानवीय तथा भौतिक क्षति नभएको जिल्ला प्रहरी कार्यालय  पाल्पाले जनाएको छ । 

त्यसैगरी चितवनको खैरहनी नगरपालिकास्थित खैरहनी चोकमा विप्लव नेतृत्वका कार्यकर्ताले सर्लाहीको बरहथवाबाट काठमाडौँतर्फ आउँदै गरेको ना ६ ख १०८५ नंबरको गुडिरहेको बसमा ढुङ्गा प्रहार गरेको  जिल्ला प्रहरी कार्यालय चितवनले जनाएको छ । ढुङ्गा प्रहारबाट गाडीको चालकतर्फको   झ्यालको सिसा फुटेका बताईएको छ ।