डिएलए मकवानपुरले मनायो ३१ औं स्थापना दिवस

६ मंसिर,हेटौंडा। प्रजातान्त्रिक कानुन व्यवसयी संघ (डिएलए) मकवानपुरले आफ्नो ३१ औं स्थापना दिवस मनाएको छ ।  शुक्रबार एक कार्यक्रमकाबीच शुभकामना आदानप्रदान तथा अन्तरक्रिया गरेर संघले स्थापना दिवस मनाएको हो ।

डिएलए मकवानपुरका अध्यक्ष कृष्ण प्रसाद न्यौपानेको सभाध्यक्षतामा भएको कार्यक्रममा नेपाली कांग्रेस मकवानपुरका प्रवक्ता प्रदिप कोइरालाको प्रमुख आतिथ्यता रहेको थियो । २०४७ मंसिर ५ गते स्थापना डिएलए स्थापना भएको हो । हालसम्म यसको ८३ वटा शाखा रहेका छन् । कार्यक्रममा डिएलएका पूर्व केन्द्रीय सदस्य अमृत कुमार लामा, वन विज्ञान अध्ययन संस्थानका प्राध्यापक कृष्णप्रसाद दाहाल, नेपाली कांग्रेस जिल्ला सदस्य भिमसेन महत, नेपाल महिला संघकी अध्यक्ष लक्ष्मी श्रेष्ठ, पार्टीको महिला विभागकी केन्द्रीय सदस्य शर्मिला श्रेष्ठ लगायतकाले कार्यक्रममा शुभकामना मन्तव्य व्यक्त गरेका थिए।आफ्नो स्थापना दिवसको अवसरमा संघले संवैधानिक कानून तथा स्थानीय कानून सम्बन्धि बिषयमा अन्तरक्रिया गरेको थियो ।कार्यक्रममा अधिवक्ताहरु प्राध्यापक कृष्णप्रसाद दाहाल, डिएलए मकवानपुरका सचिव श्रद्धा ढुंगाना, प्रवक्ता आरके मैनाली,सदस्य सुवासचन्द्र अधिकारीले सहजीकरण गरेका थिए ।